Wednesday, May 20, 2009

又見 Burger King!


堡加敬,台灣叫漢堡王,現在香港乾脆只有英文名 Burger King,吃漢堡快餐店至愛之一,更係最有感情的漢堡店。(Triple O's 呀、怪獸漢堡呀同摩斯漢堡呀等等係好,但就欠缺了那份兒時情感囉!)

上世紀七十年代,西方的快餐店文化開始在香港成長,吃漢堡西式快餐有麥當勞和堡加敬兩大美國集團,(另有以吃雞為主的肯德基家鄉雞及綜合式快餐的祖利亞) 那時很喜歡堡加敬,對麥當勞就沒有甚麼感覺回憶。到到後來,堡加敬淡出了,好像直至二千年左右再重臨香港,不過很少店舖,所以未能童年美事重溫。

但食神總眷顧我,半個月前在灣仔軒尼詩道集成旁邊的一幢商業大廈讓我和它再次重逢!

地方裝修得簡單而有心思。寬敞舒服,讓人有空間感。難得!乾淨整潔,冷氣夠!服務員女的漂亮,青春可人;男的也斯文醒目,好!

我向那位青春加靚版李冰冰服務員點了 HK$38 的華堡餐,另外在外圍的 PR 即笑容滿面地跟我說:「請座著稍等,一會兒我拿給您。」

華堡包軟而不鬆,牛肉肉香濃厚,有燒烤味有肉汁!生菜配菜多。醬料充足不小家敗氣!薯條又大又粗,夠熱夠新鮮!

不明白為何麥當勞會如此受歡迎?!

離開時問那位青春加靚版李冰冰服務員拿一點紙巾,她放了幾張在手掌上給我,我正準備接過之際,那幾張紙巾被風吹到有點翻起,她佻皮地笑著震動著她的手,另一邊看著我:「dalalalala~~~~~」像在說:「跌啦!跌啦!」

好美!

那天,由我到達直至離開,心情都是無比興奮同滿足。就如一個小孩再遇上失落已久的鍾情玩具一樣,那珍惜感動之情開竅般難忘。

24 comments:

chris said...

Burger King 的 Whopper 比麥記的Big Mac 好食得多!

Anonymous said...

我反倒喜歡吃Burger King 的 chicken sandwiches, 不知香港有沒有呢?

老實說,麥當勞的薯條確是好吃點呀!

有青春加靚版李冰冰笑笑口對著自己,我身為一位女仕都會心情無比興奮和滿足啦!!!

浪子m: said...

佢番邊更架?

新鮮人 said...

"佢番邊更架?"<-----
看來大家醉翁之意不在酒喎! =p

小時候見過,
但無食過,
有機會要試試先!

從來都不覺得M記的食品好味,
所以一年都無一次!

Bungy-Zoe said...

哇~知音呀~~

Well,有冇d 高大(唔好英俊)的男服務員啊……點解我上次去油麻地0個間得d 女仔架……

通常我只會叫一個包啊,洋葱圈都ok 既,食過一次,不過覺得唔夠以前hardees 好食。

whopper 同cheese burger 都好好味呀~~

M 記淨係會食至尊漢堡。唯一一個OK 少少的包,不過一年食唔多過5次= ="

Bungy-Zoe said...

=.=" 集成隔離……
搵唔到喎……

下次去再搵過~! .\"/.

程音語 said...

Burger King 在八十年代尾九十年代初都曾經在香港開店, 今次應該係第三次登陸香江了. 果時仲有Wendy's, Jack in the Box 等等, 間間都好食過老麥.

> 佢番邊更架?

其實邊一更都有d靚靚青春PR姐姐, 仲著哂成套suit添,好professional look 架. 呢個都係音語成日幫襯Burger King既原因. ^_^


> 集成隔離……
搵唔到喎……

咪即係以前東亞銀行個位置, 要落地牢架!

樂遊 said...

其實一早回來啦!早兩三年只在機場和山頂
又來在炮台山,油麻地和尖咀都有分店(就我所知而言)
早幾年,我得知山頂有,我真係朝聖般,特登上去食lunch 呀!!!!!!!!!要明白,我住九龍,家貧,而且近年其實已很少食這類食物了,可見我多神心!

其實....如樓上兄台說:jack in the box(我覺得略貴),wendy's,甚至哈迪斯....都好過老麥,真係劣幣逐良幣.當然,burger king d 牛肉夠juicy,正!!!!!!!!!!!!!!

我更有興趣知道那位冰冰姐姐在哪間分店?

梁巔巔 said...

Chris 兄: 麥記啲包, 料少醬少偷工減料!

軍軍師奶: i. 冇留意喎! 等我下次去嘅時候幫妳睇睇. :)

ii. 不過, 麥記嘅薯條嘅致命傷係成日攤凍晒嘛!

iii. 嗰位少女真係好得!

mingmanfred: 好鬼鍾意你呢條問題! ^~

新鮮兄: 哈哈哈哈! 係啦! 証明只要係 "美", 係冇分男女! ;)

梁巔巔 said...

Bungy-Zoe: i. 哈哈哈哈! 有一個男服務員幾帥!

ii. 係喎! 麥記唯一好少少, 叫似番啲樣有番啲人性係番個包, 只有足三兩同至尊漢堡.

iii. 詳細 oD, 係集成向 CWB 方向行過少少, 就係嘞! 正如下面位程音語講, 即係以前東亞銀行個位置, 要落地牢!

程音語: Hi, 好耐冇見. :)

i. Jack In The Box 又係一食難忘, 驚為天包! 可惜而家又係消失咗! 真係越諗越唔順超麥記!

ii. 又有得食又有得睇, heeeee, 盞! ^~

但嗰位青春加靚版李冰冰唔係 PR, 係櫃臺服務員.

樂遊兄: 嘩! 原來你仲神心過我!

究竟麥記點解會咁受歡迎?! 發得咁大?!

梁巔巔 said...

mingmanfred, 新鮮兄, 程音語 & 樂遊兄: 我去嗰日係閒日, 下晝四點零五點左右.

嗰位妹妹, 18 - 20左近, 喺櫃臺負責點餐收銀, 真係好索! 最正係索得嚟又俏又特別吖 ma! ^~

各位: 麥記真係好唔掂! 最唔掂係食完呢, 零舍口渴嘅!

浪子m: said...

burger king 職員會唔會有名牌寫自己個名架? 無就幾難認識。

梁巔巔 said...

..... 好似有.... 唔記得咯. 不過嗰段時間得兩個女仔負責點餐收銀 ga ja! 應該唔難認.

至於認識, 哈哈, 有冇牌都唔難噃~

uncleray said...

"堡加敬"這名字是他們以前用的,還是你的創作?

程音語 said...

> 其實一早回來啦!早兩三年只在機場和山頂
又來在炮台山,油麻地和尖咀都有分店(就我所知而言)

最近銅鑼灣廣場後面都開左間呀!


>早幾年,我得知山頂有,我真係朝聖般,特登上去食lunch 呀!!!!!!!!!

我都試過特登渣車上去食lunch, 竟然撞到熟人添...

> "堡加敬"這名字是他們以前用的,還是你的創作?

堡加敬係真係佢地以前用既名黎架!




另外, 老人院時間. 唔知有無人記得七十年代尾銅鑼灣有間叫做白堡 white castle 既漢堡飽店?

梁巔巔 said...

Uncle: 係當年個真譯名嚟!

音語兄: 開咗咁多分店, 正! 最好多到好似麥記咁!

"白堡 white castle 既漢堡飽店?"

冇印象噃!

得一間 or 有幾間分店 ga?

BlingBling said...

我的童年回憶是麥當當~! 其實﹐ 我很愛麥記的~~! BURGER KING﹐ 不知怎的﹐ 感覺很油﹐ 一個餐吃完﹐ 飽死。 當然﹐ 有些飽﹐味道不錯。 另﹐ 我很愛 TRIPLE O, 但只吃過幾次。

MOS burger 那些﹐ 吃過一次﹐已不想第二次喇

梁巔巔 said...

"我的童年回憶是麥當當~! 其實﹐ 我很愛麥記的"

唔奇呀, 因為妳始終仲細嘛!

Anonymous said...

最新一間係黃埔二期商場.
我覺得mos言過其實試了一次就吾想下次.
mac記係料少和薯條都要改善,佢個double chesses chicken nagget都ok.
可能價錢大眾化分店又多才那麼流行吧.

bb

梁巔巔 said...

喂, bb, 好耐冇見!

"最新一間係黃埔二期商場."

好呀好呀! 開多啲開多啲!

"我覺得mos言過其實試了一次就吾想下次."

我早喺台灣嗰陣已經試過, 唔鍾意! 但薯條就出色喎!

麥記嘅雙層芝士孖寶都可以, 但一定要自己再加茄汁!

exile from hk said...

I can sum up my experience with Burger King in the U.S in 4 Chinese words:

慘不忍睹!

梁巔巔 said...

快 oD講嚟聽吓!!!!!!!!!

anmary said...

Burger King越開越多, 我真係好開心啫~~~!
我以前都好鍾意Jack in the box, 可惜應該唔會再有機會食到...

梁巔巔 said...

"Burger King越開越多, 我真係好開心啫~~~!"

係呀! :D

Jack In The Box 係 Burger King 之外我另一勁鍾意嘅漢堡包店!