話畀您知。。。。

1. Man vs Wild (荒野求生秘技) 第三輯喺上兩個星期已經登場啦！逢星期一22:00探索頻道又可以再見到 Bear Grylls 食甲蟲幼蟲、蛆蟲、動物屍體、海產、魚類同 o埋總之所有能夠食嘅植物、動物同昆蟲，徹底茹毛飲血甚至食屎飲尿嘅玩命食法！正！(星期二同星期日會重播)

2. 喺石峽尾嘅大坑西街附近，有一檔行蹤神秘，專賣魷魚嘅小食，聽講好好味！最過癮係剩買一條 (HK$1) 都得！

3. 我發現，原來喺九龍嘅愛護動物協會嘅待領養動物，尤其是貓貓狗狗，係多過香港島嘅 SPCA 總部咖喎。

4. 沖凍水涼原來係會消水腫，但更原來會肥！(X！我最近嘅親身經驗！)

5. 公廁，男人唔好亂去，隨便去！特別係開大。除非忍無可忍而附近又冇其他地方有洗手間。因為，真係好「污糟」同嘔心核突古靈精怪嘅嘢！。。。。中環四大 _ _ 公廁更係當中代表 (其中一間係全港唯一喺地底嘅，亦係最恐怖！喺威靈頓街與皇后大道中交界。)！開大嘅話，非逼不得已，千祈咪去！

6. 對催眠一直幾有興趣。您有冇？想學催眠，有興趣嘅，可以去呢度睇睇。