在香港第一次的聖誕大食會

細個嘅時候屋企從來都冇攪。更後生嗰時又只係出去 walk 同落 Bar 入酒店隊酒。喺外面讀書時，記憶中只有一次，同住的夥伴們喺家攪過一次聖誕派對。

聖誕夜去咗世興伉儷屋企攪嘅聖誕大食會。

一嚟喺香港未去過呢 oD場合；二嚟聽日 (星期六) 就搬番去遙遠嘅薄扶林 (住咗大坑之後，先發覺 Pokfulam 原來真係幾唔方便！)，原本已經孤僻少出門嘅我，更會形同深山怪男，將更少外出；三嚟自搬咗出嚟之後，已好耐冇食得豐富食得痛快；四嚟又可以體會一下聖誕嘅溫馨氣氛，所以，雖然要去到沙田咁遠，都照去。

佢哋每次攪嘅聚會，啲嘢食都會好多，真係好多！但係呢，又掃得晒咖喎！佢哋成班 (包括我) 每次攪 o襯呢啲 Gathering，事前事後都令我覺得好似蝗蟲掃場咁！

嗰晚食得盡情玩得幾高興，感覺溫馨，又有禮物交換 (我交換到一個椅用嘅坐墊)，很好的一個聖誕夜，很好的一晚。

P.S. 嗰晚亦學識咗少少關於打麻將數番同其他一啲打麻將嘅嘢。