Thursday, December 11, 2008

天后第一腩


經過過很多次,但每一次不是時間不對就是座無虛席,至上星期六下午,終於難得一嚐香澤。

被評比大利清湯腩更正,直逼九記的華姐清湯腩,我在上星期六終於試到。

一早聽聞華姐清湯腩功力深厚,招式多樣,配搭周到,味道一流。我那天因趕時間,叫了一碗擔擔牛腩麵。

錯。

麵質一般,熱力不夠,麻辣更略嫌不足。錯在不應在這裡叫擔擔麵。

賣點牛腩。。。。唔。。。。怎麼說呢。。。。入味,不韌,但沒彈性吶。對,它旁邊的大利清湯腩的牛腩是韌了,但卻有那股「生氣」,而華姐的卻如「死肉」,嗯,又說很精彩?!何以又常客滿?!

看看餐牌,嘩,淨牛腩、牛腩同各樣擔擔麵、清湯牛腩麵、四寶河米麵、各款撈麵、腩汁蘿蔔,好像還有咖哩的款式同醉雞。。。。還有好多好多的菜式同配搭。

好,下一次再試多你幾樣再下定論。但,單憑我那碗牛腩擔擔麵的水準,它的牛腩,應可稱雄天后。但要香江第一,還未是那個 Ball 呢!

14 comments:

嘿嘿 said...

哎哟!
看了马上感觉到肚子饿!
很想吃嘞!

imak said...

唔洗再試喇, 華姐未入流!
有機會入黎大埔的話, 請到群記試試, 個人認為比九記更掂!

http://www.openrice.com/restaurant/sr2.htm?shopid=13125

注意: 星期日休息 (好巴閉!)

聶秀康 said...

裙記係good,but too far...
9記 always my favour.重有對面的勝香園吾係好好但係一種排當風味!

梁巔巔 said...

嘿嘿: 星加坡都有唔少好嘢食! 海南雞飯, 炒粿條, 福建炒麵.... etc, 正!

imak: 比九記更掂?! 下次如果去開大埔, 一定去試!

先去妳上次介紹嘅何洪記.

Ms 5耳: 妳好似都周圍去食噃!

聶秀康 said...

有呠呠車就可以4圍去香港蚊滋咁細.

梁巔巔 said...

有米!

新鮮人 said...

大埔群記咁勁?
一定要試嘞!

Anonymous said...

何洪記d牛腩不及華姐。

其實我覺得華姐的牛腩好過九記和大利。

macy said...

梁巔巔

几年前, 我都食過華姐, 當時覺得唔錯. 佢好食在於唔會好靱, 唔會有渣. 你如果仲想食, 可以諗下叫'坑腩河', 呢個配合會好味過担担面. (ps 我好耐無食架, 唔知有無退步, 但知佢地加價好快, 最近又加左$4)

你有無留意個男伙記, 係華姐個仔, 佢好識同客溝通, 仲能通多種'落單'語言, 几鬼pro.

Anonymous said...

你對食都有一定要求, 真係要找一個有廚藝天份的小女子才match你囉..........

聶秀康 said...

有米?太齋啦!仲有粉麵飯零荼凍啡鴛鴦...
看來每人心中都自己的天下第一腩啊!有冇試過近摩利臣山的清湯腩呢好似都叫大利...印象中都幾好!

Anonymous said...

你是否要在搬走前在這區附近多吃一點(趁就腳呀嘛)?!

By the way, 我 sent 了 message 到你的 Facebook Inbox, 請移玉步看看! Thanks!

梁巔巔 said...

Uncle: "其實我覺得華姐的牛腩好過九記和大利。" <--- 好過大利唔奇, 但好過九記?! 可能你去食嗰日佢忽然煮出招水準!

新鮮兄: 我都係咁話!

Queenie: 哈, 咁又唔一定嘅~

Macy: 等我下次一路食一路留意吓先! Heeee!

另, 但我見唔到餐牌上有坑腩噃.

Ms 5耳: 極可能係同一集團. 而中環嗰間執咗好耐 lu!

Queenly: Okay, 我而家去睇! ^^

Anonymous said...

又可能我去九記那天他們不在水準。

不過有朋友吃完九記後也不覺得很特別。