(一)
如無意外，現在住的地方，我最多住到下年一月或甚至今個月月底，就會搬了。
住在這裡的八個多月，時間去得極快！還清晰記得初搬來時的那一段頻撲奔波的情景。這裡是一個非常好住的地方，甚至比薄扶林更令人心怡舒適。若不是經濟環境的原因，真不想搬走。
沒辦法，現實就是現實，有不用交租的地方住，即使這裡再好，也要搬啦只好。
(二)
由回歸到現在，這十年，作為香港人是羞恥的。尤以最近包機事件將這感覺推至頂峰！
整件事件有三點是非常明顯的。一，是狗官們的不做就沒錯的心態；二，是整個團隊的無能及三，毫不關心自己的市民。
無能，不打緊！有心仍可使人諒解。但如今這個政府連這個心也讓全港市民看到它毫不關心自己！唉，香港人做錯甚麼了？！怎麼會有這群狗官管治？！
13 comments:
其實政府教育緊市民咩叫自我承擔獨力面對之類
用心良苦架
包機單野真係想起都火!
單野已很火,之後單pk的回應就更火.
甚麼無知會特首,甚麼無知會政務司
我頂你呀,你地真係唔睇電視唔聽收音機,無人知會就唔關自己事?這已經係失職啦,西人！
「係唔係放下假都要向立法會交代」,唔係，但有事出了,卻因你放假而無處理就要交代。有無聽過甚麼叫取消休假。幾年前,韓農示威期間,李明逵半夜開記招,唔通佢話現在唔係office hour,就可以甚麼都不理.
外訪可以甚麼都不理?阿爺個財爺去秘魯開大會,剛到步,一個電話就即時原機回國搞四萬億方案啦,
班友都唔係撈！見到唐英年個西口西面就想找個馬啼鐵釘落去
仲有.我至x憎班西人話甚麼「甚麼方面無經驗」....甚麼「吸取經驗」
朱里亞尼係唔係有好多處理911的經驗?一d把完全失去動力的飛機安全緊急着陸的機師,佢有是否有很多經驗。
稱職的政府就係要妥善處理無經驗可循的事啦！當家作主十年有多,又有甚麼風暴,又有建華之亂,都學唔到？現在仲要來個「蔭權亂政」....屌
住了8個幾月?即係3月幾搬來,3月是家中火災然後搬到媽家裡住,轉眼又8個多月了,講到搬家真係幾煩,不過男仔應該冇咁多雜物容易D,有不用交租的屋很羨慕...祝一切順利!
香港回歸後我們連二等公民都不是,可以說是無政府狀態無主孤兒.
一舊雲: 總之呢個政府就係, 唔係為人民做事! 全部自肥!
樂遊兄: 有冇發覺, 唐早逝個樣同態度開始衰!
呢班友, 無恥無能兼冇心!
Ms 5耳: 多謝! 亦祝妳衰運遠去, 好運快嚟!
來生不做回歸後的香港人!
梁巔巔
其實發生HK人滯留泰國至後來的包機, 都咁多日, HK政府竟然一D表示都無, 完全放棄嗰班人, 等到死左人, 先至做D野, 仲要攪到得卅几人上機, 有人又唔知發生咩事趕唔到班機. 哎! 真係PK. 點解唔一早搵人去幫嗰班HK人做統籌, 做聯絡, 人地係嗰邊人生路不熟, 仲要山窮水盡, 如果嗰邊好似印尼咁發生暴動搶劫姦淫擄掠, 係米由佢地死?!
後來到死左個HK人, 個條粉腸先至死死地氣出黎, 仲要話咩"當時唔係HK", 好似唔關佢事咁, 聽聞佢去工幹啫喎, 唔係放假, 就算放假, 都即刻要銷假做野啦. 佢係米去左零丁島吖! 頂!
仲有個當奴曾都無出黎見人, 咩野都無講無做, 佢係米其實好似金正日傳聞咁死左無人知吖!
macy;
爵士昨日終於見人啦...因為有太空人來了香港.....唉
想叫諸位太空人把曾爵士和李少光帶到太空,再一腳伸佢地去冥王星做特首....果到適我們和他,那兒夠遠我們見唔到,那兒人少,曾爵士只需管治一個人,李少光亦只需負責一個人的保安,適合佢地既能力
你這回會搬到那裡去？不要告訴我是半山區，我會認定你係搵到頭”好人家”，俾人富貴地包起了！
anyway, take care man ~
雖然這是很感性的一文，但我仍不禁要問：
為甚麼不是一點，不是三點，而要兩點？
(係，我係心邪!)
Macy: 我諗佢而家係咩都盡量唔理, 但人工照袋福利照要有威就攞! 但咁樣, 咁嘅團隊, 點捱到2012!!??!?!?
樂遊兄: 哈哈哈哈! 係呀! 真係畀佢吹脤! 飲飲食食就見佢蒲頭! 我 X!
風信子: 山頂呀! 唔好妒忌噃! ^~
Uncle: 我下面勁得滯嘛~
喬遷之喜加上大壽之喜
雙喜臨門恭喜！恭喜！
Thank Q! ^^
Post a Comment