嗒「女」

唔同嘅菜，有唔同食法，咁先可以食出「她」們嘅真味道。

唐蒿~ 打邊爐御用菜嘅地位，誰能代替？！但如果用其他食法呢，精彩頓失。

小白菜、小棠菜~ 蒸同滾湯皆一流。青炒或用蒜蓉炒更正！

菜心、芥蘭~ 滾完後點蠔油，一流！

西蘭花、椰菜花~ 用嚟炒牛肉、豬肉或者魷魚，最好味。

生菜~ 生食時候嘅嗰種 chop chop 聲快感好爽！喺越南菜入面用嚟包啲嘢嚟食更係冇得頂！

通菜~ 椒腐通 (椒絲腐乳炒通菜)，剩係呢味可以食兩碗飯。

紹菜~ 黃牙白嘅嫩而鮮甜，伴金華火腿簡直人間極品！

豆苗~ 清炒豆苗，加 oD鹽，正！

銀芽~ 略滾後加麻油同豉油撈嚟食，包您話盞！

西洋菜~ 煲湯至尊。

上面各種唔同嘅菜如果調轉啲食法煮法嚟食，即時會變到走晒樣，慘不忍睹。