Friday, November 14, 2008

人琴合一

上星期在 YouTube 看回無記今年的一場歌星 Show,整個 Show 出奇的好看,其中以下這一幕更是最精彩的一個部份。



這部份的四位演出者,他們的結他造詣都無容置疑。不過,一併在一起,高下立見。

鍾鎮濤,嗯,已不是看他彈得如何,只要是他拿著結他,站在台上唱那幾首首本名曲已可算了。。。。

黃貫中,現在彈結他的技術比以前好多了,証明下過苦功。記得多年前有一次他和劉以達同台演出時,他跟不上要以笑遮醜。

鄧建明,犀利!已經係那個 Level!

但講到人琴合一,是片段裡那位有亞洲第一快手,小飛俠之稱,曾是藍戰士樂隊成員之一的蘇德華。

看著他的技術;彈那時的身體語言;面部忘我表情與及整個人所散發出來的氣質感覺,您就會知道甚麼叫人琴合一。他的人琴合一,看得我好感動。

看看吧。特別是2'08至4'02和5'17至最後。保証您話正!

14 comments:

xiao zhu said...

節目當晚,我唯一就係睇左呢段。真係正!

梁巔巔 said...

係無記咁多年嚟, 最似番樣, 兼最好嘅 Show~

新鮮人 said...

我喜歡草猛嗰段!

一舊雲 said...

屋企無電視
無體好耐囉

豈有此理
係一首我好鍾意的歌^^

Anonymous said...

小飛俠梗係犀利啦!佢好早嗰時已經喺行內好出名架啦!

其實太極仲有一個好勁好型,叫劉賢德.

梁巔巔 said...

新鮮兄: 好多人都係最喜歡草猛嗰段. 其實呢個 Show 真係 part part 都唔錯!

一舊雲: 嗰段真係好有感覺!

Joyce: !!!! 我知妳講邊個!!! 佢彈結他, 上身唔多郁但下身郁嘅動作嗰個勢, 好迷!

Jan said...

blue jeans,beyond,太極都是年青時喜愛的樂隊,現在家中還藏有他們全部的CD呢.

imak said...

of course i love eason's part. he sang really well....

macy said...

梁巔巔,

哈哈! 好多年無眼無綫的歌星賀台慶節目, 嗰日咁啱係屋企睇左, 呢段我的視線由報紙轉番上電視, 睇到熱血沸騰吖! 勁正! blue jeans, 太極及beyond 讀書個陣已經睇架啦, 而家更覺出神入化, 好明達4個人已分高下啦, 如果加埋劉以達仲正, 但唔知劉以達仲彈唔彈得呢?!

今晚我睇蘇永康, 竟然有幸睇到joey的結他live, 嘩! intro由佢solo, 唔洗warmup, 正!!

Anonymous said...

除了這一段沒有錯過外,
琴姐關淑怡個段都有睇。

不過最不濟額的是古巨基冇哂聲。
面對前輩青山哥哥,哈哈哈!
佢咁叫的,青山應該是爺爺輩份了,
敬老孚?

Anonymous said...

blue jean三人好像只有蘇還繼續在音樂發展,其他二人已是不知所終了。

梁巔巔 said...

imak: 佢點都一定好過嗰個古巨基!

詹詹: 黃金時代矣~ 唉.....

Macy: 劉以達又係另一結他神人!

係呀! 去到 Joey 呢啲境界, 隨時即席彈到同 jam 到!

Space 兄: 古巨基?! 妖, 最乸憎佢咖嘞! 成日扮晒叉燒!

Uncle: 一個做咗保險. 一個拍三級片後做音樂監製.

程音語 said...

仲有包以正!

梁巔巔 said...

咦, 妳都好留意噃! :)