啲女人，尤其是啲閃閃、屍奶，甚至唔少 OL，上車「嘟」八達通嗰陣，我真係好怕！捧住個大袋又「鍊」又揸又成，攪嚟攪去攪極都「嘟」唔到，到最後咪又係要喺個大袋度拎個銀包出嚟「嘟」吖 X~ 點解唔一早拎定出嚟？！阻住地球轉呀頂！最蔚為奇觀呢，就係搭地鐵嘞！之前講嘅搭車譬如搭巴士呀搭電車呀搭小巴呀呢啲咁，「嘟」嘅方向都係由右至左或者由正面咁「嘟」o埋去。但搭地鐵呢，就係由上而下咁「嘟」。哈！正嘞！啲女人過閘嗰陣，拎住個大袋，好似上頭上身作法咁，加 o埋由於「嘟」嚟「嘟」去都「嘟」唔到之下而出現皺晒眉頭雙手拎住個大袋咁猛打圈，身體又「奧」嚟「奧」去跟住扭個樣，直如：「嗨~~~~~ 嗨~~~ 嗚~~~~ 扶乩呀扶乩呀~~~ 嗨~~~ 嗚~~~ 扶乩呀我喺度扶 o緊乩呀嗨~~~~~ 嗚~~~~」
乩童就聽過，乩女就而家先知有！-_______-""""
吹脹攞命兼嚇人~
11 comments:
係..真係好鬼麻煩架..阻住地球轉~
佢地係搵個袋不停咁捽部機，衰左之後仲要懶係唔耐煩咁由個袋拎番個銀包出來......
rm501
^^ 係吖, 好怕呢d人.
當佢捽左一輪嘟唔到之后, 跟住施施然攞個銀包出黎, 仲一直係企係個閘口度, 做左欄王, 仲要拎轉頭啤你, d阿嬏真係阻q住晒.
我义開話題先, 有種人係攞住個銀包, 但係內有2張8達通, 咁佢要嘟晒兩張(可能幫老婆嘟埋), 咁就正面嘟一下, 反面又嘟一下, 但係司機叔叔就話只係嘟到一張, 另一張無反應, 可能唔夠$. 但呢個乘客又要同司機坳...好煩! 點解唔分開兩張卡啫?!
詹詹: 真係 X~
rm501: 喂, 好耐冇見! ^^
"衰左之後仲要懶係唔耐煩咁由個袋拎番個銀包出來......"
係呀係呀! 幾 X 呀呵! XDDDDD
Macy: 總之就 "呵 lau yeah" (可怒也)!
你咁講會令到我下次搭地鐵見到呢d人時, 忍唔住大笑!!!haha>>>
我搭地鐵見到呢種人係前面會即刻彈開, 唔會晒時間等佢係到掙扎!
Heeeee~
^~
有 oD女攪完一大輪, 終於喺個大袋度拎個銀包出嚟嘟, 發現張八達通冇 $, "唧" 一聲 dum 一 dum 地走去增值..... heeee, 玩完扶乩玩標童~
我一定不會跟在女士後面過閘口的。
尤其是拎住個大袋嗰啲~
不過, 有時繁忙時間又避唔到. :(
我自己就係怕會阻住人，又怕o都黎o都去o都唔到要係個袋再摷個銀包出黎o都，所以未埋閘機前已經摷定個銀包出黎。
而且宜家搞左信用咭自動增值八達通，唔怕唔夠錢過閘。
嗱, ep, 妳呢啲係叻女及香港女士典範嘞!
正! ^~
m......其實唔好分男定女，唔應該係咁既咩？方便人，又方便自己．
Post a Comment