瘋牛、豬菌、雞瘟、魚毒、一大堆呢 oD發自我們日常食用生物的病菌，彷彿一下子來個大反撲！人類自豢養生畜開始，由於人畜彼此之間的緊密接觸，原本在動物身上的病菌經過長年累月嘅演變進化，得以變種入侵人類。(詳情可參閱「槍炮、病菌與鋼鐵」:人類社會的命運~ 原書名：GUNS, GERMS AND STEEL: THE FATES OF HUMAN SOCIETIES 著者 : JARAD DIAMOND 賈德.戴蒙)
但最近根據科學界研究指出，這二十多年來發自人類所豢養的禽畜體內的病菌，主要成因係由於人類違反咗自然。好簡單，例如人類把飼養猪牛的飼料加入肉類 (冇攪錯，係肉喎!!!)；用各式各種生化飼料去餵鷄鴨等。X！吓吓講效率，經濟成本而目空一切，離Q晒大譜！這使到一些病菌在不應該，不可能會有如此變化的情況下變成順理成章，變得可以，演化成如今嘅牛、豬、雞等等病菌。加上人類又嘅不環保，不斷的污染，就連魚類亦加入反撲行列！最近又有新嘢啦！在鰻魚身上的甚麼孔雀綠毒。菜，又話有殺蟲水。。。。遲 oD唔知我哋仲可以食啲咩呢？！好像，人類被大報復嘅時辰正在活躍展開。慘~ 但仲好似唔知錯嗰噃！唔通情況真係要去到無得救嘅地步先醒悟？！
三年多前的一篇舊文。
今天，人還未醒悟！更直接！乾脆將一種叫三聚氰胺的化學物品過量地加到奶類和各奶類原料裡面。事件發展到今天，連台灣 Pizza Hut 外賣店的芝士粉也被發現含超標份量！
有甚麼奶類食品是不含超標三聚氰胺？
三聚氰胺不會毒死人，成年人吃了含有超標的三聚氰胺食品亦不易會患腎結石。但是，嬰兒和小孩則相反了！
真係~ 冇陰公！
10 comments:
唉……..所以我奉行眼不見為淨的原則，逃避問題。如果把樣樣都驗，就可能會發現我們每天食的東西仲衰過食屎。人類是地球的cancer，真係無錯的。
"眼不見為淨" ---> 係呀! 如果見到啲廚房日常作業嘅手腳, 哈, 真係會食唔落!
政府話可以接受不是『零容忍』，
好嘞凈食一樣含三聚氰胺會冇事，
但我地一天唔只食一樣食物個噃，
食三五七樣加加埋就會超標死人，
所以我要求『零容忍』絕對禁絕三聚氰胺！
如果遲啲連杯麵同罐頭午餐肉咸牛肉都又有其他事, 咁就大鑊!
全世界都停止輸入中國奶品，只有香港無表示。何解？老母d奶，做仔唔飲唔得law。
那些甚麼胺原本就不應存在於食物之中，它又不是有益野，那麼我們為甚麼要容忍它們呢？現在的情況就係我叫楊州炒飯上面有一小粒老鼠屎，酒家老板話其實這麼細粒又加熱炒過對身體是無害的，一日要食三百粒至會有負面影響。
所以我想用華仔腔同政府講，特別係錦鯉曾講「今時今日咁既仆街態度係唔撚得ga」
叮!
今日台灣啲政評友先 X 英九哥 (呢期佢嘅政府畀毒奶單嘢攪到好唔掂!), 話, 有乜理由仲跟香港嘅標準?! 人哋係假一國兩制!
唉, SEE?! 香港而家幾 CHEAP!!!!!!!
突然諗起提醒大家, 大家留意下今篇幅圖~
This incidence lead me to the thoughts of globalization..
For sure, china still has a long way to go. but how come the economic development is at the expense of babies' health????
Oh my motherland
fuck u, those "fellow chinese"
巔巔兄：
》》如果遲啲連杯麵同罐頭午餐肉咸牛肉都又有其他事, 咁就大鑊!
務請兄臺睇埋下文後，你信唔信呢啲所謂專家呢？
【明報專訊】內地傳媒揭出三聚氰胺除了為害奶粉外，其廢渣「蛋白精」還被攙入動物飼料，在行內已肆虐多時，牛、羊、豬、禽類及水產飼料中都有。「蛋白精」成分中70%就是三聚氰胺，將每噸僅600元的成本價，最高升至4000元售出，大發不義之財。
「蛋白精」的成分中70%是三聚氰胺，每攙入1%「蛋白精」可使蛋白質檢測結果增加4%。本報記者昨日上網搜索發現，現時仍有大量企業出售蛋白精，以來自河北、山東為主。這些「蛋白精」多數是粉末狀，號稱「蛋白質含量160%至300%」，還含有氨基酸維生素。
據《南方農村報》引述業內人士透露，化工企業在製成三聚氰胺後，本應請專業的環保公司處理廢渣，但由於費用高昂，大多數企業就偷偷將廢渣銷售給飼料原料行業，自5年前已來漸漸成為「潛規則」。而飼料原料供應商購買三聚氰胺廢渣後，包裝成「蛋白精」出售給飼料生產廠，飼料廠再製成飼料出售給養殖場。去年全國共約生產三聚氰胺72萬噸，廢渣出廠價格為每噸600至800元，但「蛋白精」售價最高可達4000元。
專家稱人類不會有事
專家稱，三聚氰胺沒有任何營養，毒性輕微，由於牛羊等大型動物代謝能力強，即使食用了含有三聚氰胺的飼料後亦不會引發泌尿結石，只會作為廢物被排出動物體外，人類再食用其肉類、乳製品、蛋類亦不會有事。
Mich: Wow~~~~~ 人逢喜事精神勁! 係唔同啲嘅!
Sapce 兄: 中國嘢, 都係少食 oD好咯~
Post a Comment