我上年年底嗰時咪話決定咗養布偶貓 (Ragdoll) 嘅，點知呢種貓比較冷門，喺香港就更罕有兼難搵，後嚟透過上網同 o埋一位網友嘅相告，終於畀我搵到一家專賣 Ragdoll 嘅寵物店。但我唔太鐘意嗰間嘢老闆嘅某種做生意手法，而且佢索價亦好高，起碼要 HK$15000一隻 (當然，以佢啲 Ragdoll 嘅質素，亦物有所值。)！好貴呀！坦白講，我唔需要養到比賽級喎 (原來貓同狗呢 oD寵物有分級嘅)，加上我女友同 o埋我啲好友知我啲古怪性格脾氣以及有潔癖，都叫我考慮清楚，故此，我一直都將呢個決定擱置咗。到最近呢幾日，同一位係寵物愛好發燒友嘅老朋友傾開 (呢位老朋友厲害呀，佢巔峰時期曾經喺佢個花園度養咗十幾隻貓同狗，仲有幾隻鸚鵡 tim！好似仲有刺蝟！)，佢話送隻佢而家養 o緊嘅巴曼貓貓女 (Birman) 畀我，佢又話 Ragdoll 都有巴曼貓嘅血統 (Ragdoll 係由幾種貓繁殖而成)，而且，萬一我唔掂，可以送回畀佢，咁咪又唔駛嘥錢又唔會對唔住啲動物囉！
好嘢呀！唔該晒 Eliter！
呢個月我會試吓貓盤同貓盤入面嘅嗰啲水晶貓砂，睇吓我有冇敏感，如果冇，heeeee，八月初等我接咗佢番嚟，會同佢影幅合照同大家見面！
好嘞，講到呢度我又要去試貓砂。
Bye~
16 comments:
恭喜了，要比多些愛心給小動物呀。
你點樣試貓砂？
Uncle: 我會當佢女咁咖嘞!
Joyce: 唔通瞓喺砂盤度 "典" 嚟 "典" 去咩!
隊對手掂吓 oD砂同 o埋 "烘" 埋 oD啲砂度咯.
改返個名呀！
攪個公開徵求貓名比賽。
我本來都有諗過同佢改名, 但佢原本已經有, hummmm, 所以而家還在考慮中.
嘩，想認識下你個朋友
我有四隻狗，已經想死喇！！！
我報到先, 因為家中有五貓.
貓砂既report我都可以寫幾份呀, 當中係包括比人搵笨啦, 貪平(貪牌子)等等.
有需要大家可以研究下喎.
貓女有幾大呀?
el el: 嘩! 咁妳所有時間咪畀晒佢哋?!
虎茶: 好呀! 不過真係要睇吓我會唔會有敏感先! 希望冇啦!
佢8歲喇!
我仲想有多o的時間陪佢地呢...
不過最重要o既係,
要有多o的精力.
咁又係呀! 照顧一隻已經好甘, 更何況妳有四隻 tim!
妳真係要保重呢!
咁你對d貓沙有沒有反應？
由主人去試貓沙，而不是貓，我都是第一次聽 ；>
大鑊喇! 有敏感反應!
唔好咁快氣屢，用第二隻牌子嘅貓沙試吓，試足十隻八隻牌子至決定。
唔用貓砂有冇代替品？
噢！ 貓貓都八歲了，佢好難改囉！
唉......
Post a Comment