亞視自劉志榮過世後，喺星期一至星期五半夜打正旗號叫「永遠懷念我們的劉志榮」，連播兩齣經典~ 變色龍同 o埋鱷魚淚。 上星期我知道之後，我記憶話我聽：「吓！乜鱷魚淚有劉志榮份做嘅咩？！」我睇咗兩晚之後，記憶番晒嚟。我好肯定，亞記攪錯！
有冇離譜 oD呀真係？！咁都可以攪錯嘅點解？！喂，咁樣唔單只唔得尊敬死者，直頭係侮辱！仲有，攪錯咗冇理由唔知咖，哈，你吹得佢脹，佢唔抽起都算嘞，仲仍然喺片頭同賣廣告嘅時候用嗰句「永遠懷念我們的劉志榮」畫面喎！真係服晒！
唔知嘅話，仲會以為去世嗰個係另一個當年都係台柱之一嘅潘志文 tim。皆因此君兩齣戲都有佢份，亦係主角。
我而家終於明白，點解亞記到今時今日都係咁！原來，真係有原因。。。。唉~
16 comments:
唔係咁燶化
可能當年麗的時代的人一個都無剩.
人地肥姐,伍晃榮極盡哀榮,
劉翁就.....唉,雖然我唔係劉翁的甚麼粉絲,但真係講不過去
咪就係, 咁都可以攪錯! 真係唔掂! 離譜到唔恨!
聽晚睇吓轉未~
梁巔巔
對亞視及劉志榮, 我無咩研究, 但係佢播錯劇集我估都咩人知(除左你咯).
只記得佢當年劉生主持過一個麻雀比賽, 成日話"拍拍聲"...
Re:樂遊
亞視渣到連一個都handle唔到...
macy:
果個節目叫開(木台)。
當年我家中長者日日追看
當年有個甩牌環節,幾impress
Macy: "拍拍聲"?!???!?!?!?
:O
所以d人成日話亞記唔爭氣lor!
唉,dd,你又調戲良家婦女?!
吓?! 咩話?! 羊家婦女?! 喎都唔識羊家 oD人嘅!
良家
咁都弄錯，真係好差喎。
我記得劉翁好似拍個部甚麼”太平山”的。
Joyce: .....
Uncle: 係啦! 好唔掂!
叫浴血太平山. 仲有續集叫再會太平山. 好好睇!
真佩服你, 自己記錯仲可以咁理直氣壯. 使銅銀夾大聲.
劇集鱷魚淚男主角係潘志文, 劉志榮, 女角係魏秋華, 馬敏儀, 蔡瓊輝.
哈哈~ 唉, 匿名人, 你再 check check 啦! 維基百科仲話有張國榮 tim~
郁人嘅時候, 查清楚先 la~ 唔該.
不撚知所謂~
冷靜冷靜.
呢度都有討論過呢個問題:
http://www28.discuss.com.hk/viewthread.php?tid=7201141&extra=&page=1
http://zh.wikipedia.org/wiki/%E5%8A%89%E5%BF%97%E6%A6%AE
macy
喎好冷靜~ 好冷靜咁去 X~
XDDDDD
Post a Comment