幾個星期前喺中環有嘢攪，順便行吓諗住買信紙寫信。點知，哈，行勻半個中環有多，各大商廈，都買唔到 oD似樣嘅信紙喎！(後嚟連銅鑼灣都唔見有，最後要到北角一帶先買到！為咗寫信畀佢，搵咁耐，行得咁辛苦，值得嘅！)
行呀行，搵呀搵，(途中見到黎姿，好索~ 身裁。但化妝化到成個公仔咁。有啲恐怖。同另一個唔記得咗佢個名嘅女藝人。)，walk 到攰，咁啱停咗喺某露天餐廳附近，hummm，好耐好耐冇嚟坐過 lu，於是，我走咗入去坐低，飲咗兩杯啤酒。
坐喺嗰度，睇住人生百態，睇吓本嗰日新鮮出版嘅古惑仔，偷得浮生半日閒，好正！
講開呢本飲譽香港漫畫壇十數載嘅古惑仔漫畫，自牛佬接手後，似打書多過似江湖書種。近嚟個故仔仲編得奇差 tim！例如人物性格前後唔連貫，故事常虎頭蛇尾同 oD伏線經常冇晒下文等等。不過，牛佬喺本漫畫入面嘅專欄短文，仍然可觀。
但一本十幾蚊嘅漫畫如果只係得咁丁多嘢值得睇，咁我極有可能好快連呢本唯一仍睇嘅連環圖都放棄 o埋！
30 comments:
IFC咁大間city super，隔離好似有papyrus喎，點會冇似樣信紙呀？再唔係行返入少少大把鋪頭……
男人真係唔識買嘢嘅。
唔係吖, 我要買嘅嗰種信紙係要有 oD浪漫公仔 or 圖畫嗰啲呀.
如果就咁一張嘅信紙就唔駛搵得咁辛苦啦.
^~
幾廿歲都仲係成日睇呢o的書~~~
3, 我地啲taste同佢唔同架, 你講極都唔啱佢啲中古年代人架啦... 算把啦... :P
佢應該考慮去裕華呀果啲... 或返大陸買.
都諗唔起佢係古代人添……又真係有taste嘅嘢佢都唔識欣賞……哈哈哈！
麻甩二佬，唔信你就問下尤加利啦，你講果d乜乜浪漫公仔，15歲就啱feel囉！
我仍然stick on 新著龍虎門
我無睇過古惑仔，但我估古惑仔的「檔次」是較高的，因為：
1.梁文道在大學時期很愛讀古惑仔
2.我以前d學生會睇火武耀揚、揚威耀武一類的書，就係無人睇古惑仔
推論：可能後生仔嫌古惑仔老餅，唔睇 /
可能古惑仔較「艱深」(我只睇過沒收自學生的火武耀揚一類的書，講真好無聊，好似沒有甚麼故仔，唔知做咩野講句粗口就打，頁頁都係，都是龍虎門好)，學生不愛 /
換言之，在「古惑漫畫」中古惑仔可能是相對有「內涵」的，所以吸引到好此道的梁文道和梁巔巔了。
詹詹: 其實連環圖入面, 有唔少道理可以領略到 ga!
阿大 & 三三: 頂~~~~~
我買嗰 oD信紙係印有好靚好溫馨好浪漫圖畫.
極高格調!!!!!!!!!!!!!!!
樂遊兄: YEAH!!!!!
梁文道時期嘅古惑仔, 係最好睇嘅!
喂, 新著龍虎門正嘛?
3: "又真係有taste嘅嘢佢都唔識欣賞" wahahahha!!! give me five! :)
hi-5!!!!!
有親圖畫，浪漫極有限。你知道乜嘢叫畫公仔畫出腸架呵？
（等你頂得咁開心吖嗱！）
阿大: 打!
三三: 炳!
阿大 & 三三: 打 + 炳~
我梗係唔係買嗰 oD咩卡通嘅信紙 la! 我係買 oD印有少少圖點綴嘅嗰 oD! 總之就好嘢 la!
妳哋冇人寫信畀妳哋哩~ Keeeee, 我明嘅~~~~~
BLOGGER真係冇得傾，有咗呢個追留言function，怕你呀？
一個月收不知幾多封呀我，除咗屋企人，仲有我做義工d細路仔呢。你恨唔到架喇，呵呵呵！
尤加利，你快d話佢知佢d信紙好娘啦，唔係冇進步空間架喇佢！XXXDDD
話時話，你不如寫毛筆字啦，仲有詩意。
哼
"妳哋冇人寫信畀妳哋哩" TIL...
人地上哂岸, 你都未埋岸, larn開啦!!!!
3: 係噃, "追留言function", 我都未試添!
毛筆字, 我驚佢啲字跡嚇走人咋!
:(
情深愛篤~ 字衰都變字好
緣重情濃~ 始終對岸我會到
Din: 字衰都變字好...睇吓點... :P
梁巔巔
信紙呢家野,各花入各眼既...ar....我都無謂加把咀.
我好耐無寫信,都揾唔到個好對手>.< 你就好啦.
我無睇過古惑仔,無咩興趣睇,但係以前好鍾意睇'中華英雄','天下','玉郎漫畫','少傑迷離','黑豹列傳'.係喎, 各位有興趣可以去呢度重温下
http://www.comicsworld.com/b5.htm
但係睇到後尾,你會發現佢只有較舊的期數,新的要自己買黎睇,但係,我都係鍾意睇舊的.
啱啱,電腦張wallpaper都係聶風.^.^
阿大: 妳冇咁幸福睇到我啲字! ;P
Macy: "我好耐無寫信,都揾唔到個好對手>.< 你就好啦."
Heeee, 唔駛羨慕~
"我無睇過古惑仔,無咩興趣睇,但係以前好鍾意睇'中華英雄','天下','玉郎漫畫','少傑迷離','黑豹列傳'.係喎, 各位有興趣可以去呢度重温下
http://www.comicsworld.com/b5.htm"
!!!!! 同道中人呀! 呢個網我以前成日去睇!
冇錯! 舊的確好睇過新! 風雲, 黑豹, 而家寫到不知所謂, 慘不忍賭!
"啱啱,電腦張wallpaper都係聶風.^.^"
Good taste!
^^
P.S. 我好鍾意以前嘅黑豹列傳. 入面嘅長空同鐵忠, 掂! ^~
新著龍虎門…….我覺得ok la，都叫緊張啦。雖然有d龍珠化傾向，即係越來越勁，勁到無分別，都係果句「好強既氣」「前所未有既恐懼」「全世界都在震動」由打悟空大哥去到布歐都係呢幾句。之前有大學同學話《洪武大帝》都唔錯，聲稱係佢唯一還會睇的「歷史書」，是否好看就無深究了。
>我好鍾意以前嘅黑豹列傳. 入面嘅長空
>同鐵忠, 掂! ^~
LDD: 漫畫呢家0野﹐我係有就看無就算那種。
當年有人搬屋﹐成箱黑豹送了俾我。初初看
覺得幾好﹐但越寫就越悶/repeat﹐同埋我搞
極唔明點解天皇都要分“明”和“暗”﹐而
點解日本仔天皇會話自己愛黨愛國愛人民。:)
又﹐個鐵忠最堅﹐呢頭去拍賣會投地皮﹐轉頭係街一個打九個..... :)
樂遊兄: 其實風雲, 黑豹同好多其他漫畫咪一樣! 整整吓個個都咁勁, 不斷重複. 總認為應該見好就收.
日本漫畫就冇呢個弊處.
收收: 嗰個長空想吞併中國, 又想認番個仔, 所以咪咁嗡囉.
鐵忠真係好型!
睇到你啲字就幸福呀?! 咁我啲網友個個都咁幸福! :p
唔畀妳啲字嚇襯都偷笑啦!!!! ;P
賤人!!!
我直頭賤中之賤! 吹吖?!
;P
想唔插手都唔得！吹呢個字點解你冇理由唔知，夠膽用嚟同呀大講！？你真係買棺材唔知掟呀！！！
"想唔插手都唔得！"
呀哈哈哈哈哈哈!!!!!!! 好過癮呀!!!!
XDDDDDD
"你真係買棺材唔知掟呀！！！"
:(
..... 咩唧..... ><
好嘢, 有阿三出嚟幫我!
><
Post a Comment