Wednesday, October 17, 2007


是月曆,還是日曆,究竟?應是兩者皆對吧。

最多人喜愛的應該是風景的吧。印著風景的大月曆,令人心曠神怡。每月過去,逐頁撕下,不要丟掉,到到年底,試試把十二個風景目掃一遍,真有一種歷遊過各地的感覺,還有一份歲月溜溜的感慨。

其他的,不少男仕都愛掛著性感火辣的美女月曆,但我卻不喜歡。原因是這只會辛苦自己,所謂有得看,沒得吃嘛。

可愛的女仕們,她們永不老,總喜歡用 Snoopy、Hello Kitty、Kerokerokeropi 等的。最近最受歡迎的應是宣揚那他媽的軍國主義的軍曹。

我自己只喜歡用日子以一格格分開的那種。這一種月曆可以讓我在有要事的日子寫上一些提醒。至於以甚麼做背景,倒沒要求。用得最多的是每逢年底年初各大公司所送的大福字月曆。

很懷念兒時祖母常用的那一種每日一張,厚厚的,底部有一塊印上古代美人或中國山水的鐵板的月曆。它還有通勝內的一些資料如每天宜做甚麼,忌做甚麼。用這種月曆還有一種作用,就係提供快感。一天撕下一張,撕的時候,「嘶!」的一聲,俐落,原始。但另方面,那不齊整的撕碎口,仍紙斷屑連,我們的每一天,日子,不就是如此?

在台灣很流行印有一些道理的月曆,當中最常見的一款莫過於印有一首「莫生氣」。每天都看一下,提醒一下自己,不錯。生氣的時候,看一下,更不錯。

今年不開心?不要緊。看,今年月曆已薄,壞日子快成過去,應該開心地準備買一款新的了。今年很開心?已薄的月曆提醒您是時候準備心情去延續快樂。一直不開心,到最近才陽光照您心?已薄的月曆提醒您將要買回來的厚厚新月曆,會見証您快樂每一天。

14 comments:

xiao zhu said...

有分別架,逐日撕果啲係日曆,一個月一張果啲就叫月曆呀。

Anonymous said...

Hey din din, I remember I owe you something even u don't send me email to remind me ;)

But I'm damn sick now, try my best to work on it. How abt you write your own version and I amend for you afterwards.

Btw, I like this piece of blog - i'm serious.

macy said...

日曆而家仲有得買架, 係舊式文具舖及衣紙舖都有, 仲有唔同size, 曾經好想買一個來撕吓. 但又覺得好環保...

我都鍾意福字月曆, 有小小位寫重要野, 而且免費. 最怕嗰d 明星, 美女, 風景, 跟本都唔會睇.

還有, 座檯月曆, 你鍾唔鍾意用? 而家好多免費座檯月曆都好靚, 好似hp, pacific internet, 都唔錯, 最怕sasa, 卓悅, 萬寧, 好肉酸.

^_^

Anonymous said...

咁啱虎茶都係講月曆噃.
咁又十月快十一月啦, 今年, 真係一陣風咁.
我好笑買日/月曆, 通常人地俾, 阿媽俾, 公司案頭一定要一個有大格可以寫嘢嘅月曆. 另外又要有農曆同本地紅假(海外version無架嘛)

macy said...

sorry

"但又覺得好唔環保..."

先至啱.

Anonymous said...

漏咗無講, 我可愛, 不過一定唔用"Snoopy、Hello Kitty、Kerokerokeropi"日/月曆, 嚇人!

Anonymous said...

我好笑 + 我好少 (typo)... 今日short咗

Anonymous said...

我唔用Snoopy、Hello Kitty呢d架! 不過超鐘意用藍精靈或者有大隻佬嘅月曆lor.
甘我算唔算可可愛女士先?
"死"? XD!

收買佬 said...

日曆月曆嘛﹐我只關心幾時係假日﹔其他的﹐不重要。

梁巔巔 said...

小豬: 多謝指教. :)

Mich: Wei, take care! Let's do it after you back to HK. Have a nice trip! ^^

Macy: 正! 等我搵日去睇睇先~

"還有, 座檯月曆, 你鍾唔鍾意用?"

鐘意! 仲一定要有 tim!

阿大: 妳點只可愛咁簡單! 直頭..... keeee keeee! ^~

梁巔巔 said...

Joyce: 算! ^~

收收: 咁梗係~

虎茶 said...

果然係年近歲晚, 大家都諗起月曆呀. 哈哈!!
以前d日曆, 咪有個鉄盤既, 阿婆仲會用黎放煲架. 好有feel

mokit said...

個d惹火月曆我想掛嫁,不過我家有阿媽,仔佬,廢事啦...

梁巔巔 said...

虎茶: 文中都有提及嗰種月曆. 我都好懷念! :)

Mokit: Haaa! ^~