Monday, August 27, 2007

閒情小吃


星期六、星期日,又係大食勣時間。週末食咗一大煲牛脊鯊魚骨各式錦繡肉丸煲,尋日星期天中午,轉食精巧細緻一啲,「擦」咗託四妹 lu 喺台北幫我買番嚟嘅台式香腸同佢送畀我嘅手信 (嗱,lu,咪踢爆呀吓!)~ 香芋酥。

台式香腸,乃小弟最愛食嘅台灣三寶之首 (其餘兩樣係滷肉飯同鹽酥雞)。喺台灣嘅街上,一車車賣香腸的小販,都有一個骰盅,客人可與小販比點數大,贏咗,唔駛錢有得食,輸咗,只需要原價買嚟食。唔知而家仲係唔係咁。

食台式香腸,一定要配大蒜,咁先仲正!我呢,加多一樣,習慣咗準備好一粒粒生嘅大蒜頭,加 o埋一粒粒生嘅紅蔥頭,然後一大啖烘熱嘅香腸,一口咬半粒大蒜頭同 o埋半粒紅蔥頭,佢哋三者嘅味道配合得天衣無縫,天生就係絕配呀!

香芋酥呢,紫瑩透澤,芋香四溢,皮酥餡潤,色香味天生佢有。它於我,有一份無奈而又浪漫回憶,所以,一口一口吃著,心裡都嗞味上心頭。

嬾洋洋嘅週日,嘆冷氣,瞌吓眼瞓,幾杯熱茶,食呢啲,好。

10 comments:

heartmomentum said...

hi, of course I remember you. I subscribe your blog.

Anonymous said...

都有興趣睇你"大煲牛脊鯊魚骨各式錦繡肉丸煲"喎. 其實你個個星期六都有好嘢食應該都post一篇加相吖!

lu said...

that plate... i have one at home as well...

牛脊=the bone or the bone marrow??

樂遊 said...

「賭香腸」?我記得在「賭神2」中出現過,「田雞」田啟文做檔主的。

你星期日個口咪好x臭?

梁巔巔 said...

黃威融: :)

阿大: 等我下次 post 先. :)

四 lu: 牛脊連肉. 冇牛骨髓.

樂遊兄: 一條友, no problem la~ ^~

lu said...

同埋點解你影到d芋頭酥咁o既顏色o架?好似發霉咁.人地本來個紫色好靚o架嘛...

ChecheBee said...

I M SICK TO DEAD, WANNA OFF!!!!!!!

梁巔巔 said...

四 lu: 哎唷~~~ 用手機影, 係咁上下咯~~~~

影得紫得幾靚吖!

Bee 小妹: 咩事?! 咩事?! 還可以嘛?! 若有需要, call me anytime 啦! ^^

macy said...

你在天堂, 我在地獄
this is a hello from hell!

好彩, 你d"小吃"唔啱我胃口啫. 無俾你引到.

梁巔巔 said...

^~