星期六短打

爽身粉

好耐好耐好耐冇用爽身粉呢樣嘢。今日忽然諗起呢樣兒時寶貝物，即去買咗一樽。

沖完涼，抹乾身之後，「沈」呀「沈」，「沈」呀「沈」，係咁「沈」！Heeee，正！真係好爽！然後瞓上床碌嚟碌去，哇哈哈哈！仲爽！

感覺未至於番到媽咪嘅肚入面，但絕對係 Born Free~

乳鴿

繼風乾牛肉、豬肉之後，最近同時迷上乳鴿，尤其是滷水乳鴿！

乳鴿比雞、鴨、鵝更正！肉實得嚟纖維細密；皮更爽滑厚身；而且骨肉入味一流！又的的骰骰，我見食慾猶增，絕對非其他三禽所比。

光冰

屋內，把燈光較到最暗，調一杯淺色雞尾酒，放這兩粒寶貝下去，她一定冧！

當然，再配合迷人眼神同磁性語調兼夾又 cute 又俊殺死人嘅樣及面部表情，就好似我咁，更掂！o騎 o騎！