三節棍

(一)

尋日中午喺香港仔做完嘢，個秘書帶我去咗佢成日推介話好正嘅謝記魚蛋度食晏。

我叫咗魚蛋麵同炸魚皮。魚蛋麵幾大碗，一碗每種魚蛋有兩件，真係好彈牙！但味道沒甚麼特別。湯底清而味夠，不錯。

炸魚皮亦不錯。好厚身，夠脆。

吃完後本來已飽，但見到對面有個靚女坐咗落嚟，叫咗碗牛丸河，靚女加牛丸，我要坐多陣望吓啦自然，於是叫多碗淨牛丸。

淨牛丸一碗八粒，一半牛筋丸一半牛丸，hummm，同我喺街市買番屋企整雜錦肉丸煲嘅冇乜分別。好彩，heee，仍有對面嗰個靚女補數。

傳聞呢間舖喺山窿入面，而家山窿已剷，但仍在舊地。今日坐底嗰時我發現手提嘅接收一格都冇，可能所言非虛噃。

(二)

下晝番屋企嗰陣，喺巴士碰見當年好識教書，對我好好嘅中史老師黃 Sir (真係邪！尋日 X 完個衰嘅今日見到個好嘅！)，見到黃 Sir，我有一種好親切嘅感覺。

我坐喺佢旁邊，一坐低佢就指住我個肚腩話：「嘩！梁巔巔你咩事呀發生？！」

成個車程大家傾得好歡暢，黃 Sir 仍然咁寸咁幽默，衣著依然好似當年咁得。望住佢落車嘅背影，再到佢回頭再一次同我道別，嗰一刻，我忽然有啲想咸嘅反應。

老師，你令我的人生精彩過！

(三)

上次嘅意見調查，唔計我自己，總共有14個人玩咗，結果係如果番轉頭有得揀的話，有6位朋友會揀出世，有8位朋友呢，揀唔會玩。我係第九位揀唔會玩呢個 Game 嘅~

人生，我唔理有幾美好幾可貴都好啦，一次就夠，一次都冇仲好！呢個亦好可能係我而家後悔當初游咁快嘅原因。