十二月的抉擇！

頭先經過一間鸚鵡專門店，我又在掙扎中。

自細幾乎乜都養過，剩係未養過貓同狗。本來一直我都鐘意狗嘅，但幾年前，無端端唔知點解愛上咗貓 (尤其是英國短毛貓)。。。。鐘意佢哋神秘又有性格，又乾淨，似女囉。

但貓鐘意爪嘢，好杰喎又！

灰鸚鵡係我近年好想養嘅寵物。啲灰鸚鵡智商除咗高過貓同狗 (等於人類五至七歲智商)，靈性更勁！聽講，仲會同主人傾偈 tim！

唉，不過，有幾樣嘢我掙扎 o緊！

首先，我 oD潔癖究竟容唔容許到我自己照顧佢哋？

跟住，貓同灰鸚鵡，揀邊樣？

最後，關乎責任、承諾。貓平均有十幾廿年壽命，灰鸚鵡仲長壽，大家估吓佢哋會有幾長命？嘩，係四十至五十年呀！有啲更會去到一甲子 tim！當四十年，分分鐘我死佢都未瓜！

十月屋企大裝修，十二月六日前會裝修好，即係，十二月六號會作出決定。十二月六號好重要！好重要！