心理學上，有好戀 o物癖戀乜癖。戀味癖呢，同前者道理同出一轍，就係自少受到各類影響喎~ 但以下我鐘意嘅怪味，咦，係天生咖噃！
1. 煤氣味~ 喜歡因由唔知喎真係。
2. Zippo 打火機點火嗰陣嘅氣味~ 舊時火水爐嗰種味同佢差唔多。
3. 油站味~ 理由同 1 相同。
4. 酒店房間味~ 每次聞到都好興奮。
5. 飛機艙味~ 浪漫死！
6. 海灘味~ 海灘嗰種味，我有理由相信係太陽油、洗頭水加梘液泡混合海水嘅美味。
7. 冷氣中的啤酒、威士忌同拔蘭地味~ 正！味道出晒！
8. 靚女飲咗少少酒之後嘅口氣~ 嘩！！！！！ 性感引死人到呢！
9. 衣物柔順劑同衣物柔順紙味~ 尤其是啱啱喺乾衣機拎 oD衫出嚟嘅時候！唔~~~~~ 暖笠笠！香噴噴！
10. 馬屎味~ 細個喺馬術中心聞到後，驚為天味！試過對住舊馬屎嚟聞。而家有時再去騎，聞到嗰種味道都好開心好有親切感。
11. 小提琴香~ 木香加松香，無得頂！
哈哈，怪味喜好，喺自己嚟講，等於美味人間~
16 comments:
飛機艙味加飛機餐 --> 想嘔...
小提琴香~ 木香加松香 --> 芭蕾舞pointe shoes都要用松香架, 不過小提琴一開琴盒果陣味又真係正... 不過我同佢無乜緣, 宜家孤獨咁企埋一邊.
喂, 好多怪癖真係好鬼似噃!
"芭蕾舞pointe shoes都要用松香架,"
點解? .... ummm, 係因為加強嗰個黏貼度嗎?
"喂, 好多怪癖真係好鬼似噃!"
正! ^~
怪味喜好~~~榴槤飄香
pointe shoes要用松香擦鞋頭, 無咁易跣死.
味道不怪，反而好像看一個咸濕伯父在寫風月版一樣!!!
3......"味道不怪，反而好像看一個咸濕伯父在寫風月版一樣!!! "------>個人怪,無辦法﹗
"飛機艙味加飛機餐 --> 想嘔..."--->尤其杯麵味﹗
巔,你都唔係好癲.....但係怪﹗
Space 兄:
條友刀法好勁!
阿大:
咁嗰 oD松香係唔係同小提琴用嗰隻一樣?
三三 & 啤啤熊:
頂!!!!!!
:(
啤: "巔,你都唔係好癲.....但係怪" hahahah! :)
Din: 小提琴果隻係一舊舊/一個小盒架嘛. ballet通常係一個大紙盆/盒, 放咗D松香粉(一大堆), 擺響舞室一角, dancer需要時自己埋去隊個鞋頭去擦吓囉. 松香粉既味同小提琴用既松香一樣味.
味道不怪，反而好像看一個咸濕伯父在寫風月版一樣!!!
-->give u five
5 => mich!
飛機艙味...真的頂不順.特別是那些毛毯!!!
飛機艙中的杯麵味呢...自己吃時氣味100分;吃完/人家在吃時,100分難受!
哈! "煤氣,打火機,飛機艙,海灘味,冷氣中的啤酒、威士忌同拔蘭地味,衣物柔順劑,小提琴香" 我都好鍾意聞
"靚女飲咗少少酒之後嘅口氣~"
我鍾意靚仔飲咗少少酒之後嘅口氣!
另加地庫停車場的死氣味,好鍾意聞,每次同老公去攞車,我都會跟住去,嘻嘻!
所以,我覺得你怪喎! ^_^
"所以,我覺得你怪喎! ^_^ "
哎! 應該係"唔覺得你怪喎"先至啱!
你知唔知….據說煤氣原本是無味的，那些「臭味」(對我而言)是煤氣公司額外加入去的，為的是讓人聞到時會alert。看來對你或會失去這種功能。
阿大: I see~ :)
Mich & 三三: 想點死?!
四妹: 下次聞多幾下啦, 真係好正咖!!!
Macy: 我越嚟越覺得, 我同妳好多地方都好夾! 幾時燒黃紙?! ^^
樂遊兄: 有聽講過呀! 仲據聞, 吸煤氣過身, 去得好靚, 呈桃紅色....
Post a Comment