昨晚，相識廿五載的老友和尚打長途電話給我吹寒問暖，感覺甚為溫馨。談起彼此身邊的一些人和事，大家都不禁感慨萬分。
言談中，他問到我的感情生活，「分了。食蕉中。」我答道。不是開玩笑，自少鑽研紫微斗數的他 (他的母親更是子平算高手，曾開班授徒。)，甚有功力，他曾於今年農歷新年期間返港，那時與他相聚 (詳請閱2007年2月19日那一篇)，多年前已看過我命盤的他說道：「這個不是你的真命天子。」
昨晚他問起，我與他說起這個，順便要他指點指點迷津，到底那個「答案就是她」的那位真命天子何時出現，又甚麼時候結到婚，已解答過千百遍的他答道：「再過幾年吧。」
「多少歲征天會出世？」我跟進問。
「極可能四十歲後。」
天啊！
要做運動！要 Keep 了！我不想將來我的兒子約我去玩，例如打網球，我是虛弱乏力，腳步跚跚的去。
話說回頭，再過幾年？！再過幾年才會再談戀愛？！再過幾年才會結
婚？！嘿！吔蕉 ism 啦今次！
婚？！嘿！吔蕉 ism 啦今次！這一篇題目叫「再過幾年」，幸好，我寧缺不濫。不過，吃素真係好要我的命！還要吃幾年？！
13 comments:
哈... 你上次話響台灣幾年有幾多個話??? 幾年你可能又一樣有咁多次呢... 邊個知? 點解人總喜歡搵人指點迷津?
幾年後怎樣我唔知....明天六合彩就有4千幾萬....努力！
話時話.....最邪是早幾年8月相士話：「你今年都唔係好(我心想...年年都唔好gala)...中秋前，一係失業,要不就係失戀，一定中一樣」中秋後不久,失業了，好在無失戀。
原來廟街從業員都幾準....當然希望其他衰野唔好中啦
is 征天 your future son?
吔蕉 ism...
Good luck man...
吔蕉 ism...sorry its too funny hahaha
me 吔蕉 ing too!
咪話我灰，結咗婚生咗仔都未必係一世，隨緣啦二佬。
阿大:
"幾年你可能又一樣有咁多次呢"
啱聽呀! 多謝! ^^
但, hummm, 如果有得畀我揀, 愛幾次就夠....
"點解人總喜歡搵人指點迷津?"
有時如果可以預知一點未來, 不錯嘛. 而且, 可避禍接福, 知所進退, 正呀! 當然, 沉迷就唔得.
:)
樂遊兄:
多謝.
術數 oD嘢, 除咗有口訣 (http://victorvictor.blogspot.com/2005/11/blog-post_14.html) 畀 oD江湖術士行走江湖, 又真係古人真材實料嘅心血結晶.
大家努力! :)
Mich:
喂! Hello!
係呀.
卡夫卡兄:
多謝!
"吔蕉 ism...sorry its too funny hahaha"
Heeeee!
祝大家早日冇蕉吔! ^~
三三:
隨緣..... 唉, 隨咗好耐喇我.... 好啦, 繼續隨啦唯有....
多謝安慰. ^^
「這個不是你的真命天子。」
會唔會就因為咁你未盡全力?
唔關事
d細蚊仔最乞人憎....
一條佬，唉~ 18歲到80歲都係咁。咁果d player會點????
唔好恨啦，恨得多心血少 =P 自自然然就有o架喇
(我都吔屎+蕉中，好味~banana split確係正)
老五, 唏, 細佬大個咗就變得妳好鍾意 ga la ma~ 第日叫我個仔 o錫下妳呀吓~~~~ Heee~
"(我都吔屎+蕉中，)"
點解咁慘呀?
哎!呢D野聽左米算咯.真又好假又好,都係 FYI 啫.
我之前都試過有人同我講:
1. 呢個唔係你真命天子
2. 你要結2次婚
3. 你有一子一女
雖然後尾真係同嗰個男人分左手,但係我都努力過吖.
結唔結2次婚,都無咩所謂咯.
而家唔想生咯喎...
隨緣咯!
Macy:
^^
共免!
Post a Comment