Thursday, May 17, 2007

藝術中心五、四、三樓


尋日又畀個星加坡混醬激親!講得又,即係已經唔係第一次,而係 n 次!到到三點幾四點嗰陣,啲混帳嘢層出不窮繼續陸續有嚟喎仲,吖 X!

慶起上嚟,我丟 Q 低晒啲嘢同個 sec 講,條友再打嚟搵我話我去咗藝術中心睇藝術!

尋日係我最近第二次去呢度。前日早走,去了九樓的音樂事務處回憶。啊!下星期後補有趣經過。講番尋日先。

我到了五樓的包兆龍畫廊。那裡是我若身在灣仔北便必到的地方。

不管每次去到,那裡所展覽的是我毫不在行,全沒認識,但只要一身在那彷如脫離了現在真實世界的另一實在環境,那不是夢,再嗅到那裡獨有的氣味,我便會忘卻一切之前的快樂與不快樂,盡情放鬆忘我的讓那氣氛將我真空。

這陣子它所展覽的是由唸澳洲墨爾本理工大學與香港藝術學院合辦的藝術碩士課程學生的作品。沒有統一主題,然大概是圍繞著我們自己身上的一切 (皮膚);人與土地和建築之間及世事之間的反思、哲理。

其中一件作品的默言說道:「有多少哲學、道理、法律等被我們扭曲了。而今我將這用美術藝術去扭曲,至少沒有那麼危險。」

展覽的作品不多,但每一件藝術品的一點引言都會叫您望而輕嘆,思而深省。每一件每一文都要捫您心窩盪您腦海。

到到,人只在短暫的一枝香時間看畢走出畫廊時,心靈腦海已被滌盡萬慮,不用安慰、不用盡訴中情、不用喝酒,更不用落淚,一個煥然一新的人,又瀟灑兩袖彿風,閒庭信步,笑 Walk 江湖。

11 comments:

Manna said...

"有多少哲學、道理、法律等被我們扭曲了。而今我將這用美術藝術去扭曲,至少沒有那麼危險. "

掂 !!! :)

Anonymous said...

做乜唔去埋14樓睇Michael Wolf個攝影展? 我上星期響blog介紹過架茂李...

梁巔巔 said...

manna: :) 仲有其他嘅都好有味道 ga!

阿大: 喎知~ 但尋日一時記唔起吖嘛!!!!!!

.... 咁又被執一劑.... :(

mad dog said...

仲有, 4/F有間"黑麥"(pumpernickel)D野食都OK. $68-$80一個set lunch.

cheryl said...

以前都成日去o架我(art student吖嘛...),咁呢,一直沿路行海旁到中環好浪漫...

梁巔巔 said...

阿大: 好味, 好 feel, 仲好舒服 tim!

老五: "一直沿路行海旁到中環好浪漫..."

以前有一段時間, 成日咁做.

Manna said...

巔巔,

看來,你真係可以寫下藝評啊.

macy said...

"啲混帳嘢層出不窮繼續陸續有嚟喎仲"
唔好咁勞氣咯!

我以前係art centre'浦'過,做幕後,每到開劇日子,便去日日捐去art centre做綵排. 非常難忘的愉快日子!

art centre也是一個讓人平靜的好地方.

梁巔巔 said...

manna: 勉強得嘅或者. 但應該唔會寫得好.

Heee, 多謝鼓勵. ^^

Macy: 唉, 對住嗰條友真係勞心勞肺! 明明冇事都變有事.

咦, 妳以前玩劇 ga!!!!! 第日會唔會再玩番?

macy said...

哎!工作上遇著呢d煩友,真係時運低...唔係喎,好似間間公司都有呢d人,無中生有,簡直係阻住地球轉.

讀大學時,好鍾意睇劇睇戲,咩都會睇一餐,跟住米入埋去玩咯,我唔夠靚女,>,< 做唔到台前,米做幕後咯,係好難得的經驗.而家唔會再玩劇咯,又老公,又囝,又自己公司...

梁巔巔 said...

最 X 憎條友用 o埋晒 oD好低手段去攪, 麻 X 煩!

妳嘅公司做咩類型生意的呢?

P.S. 若不想講, 不用不好意思. :)