神棍？！咪係小弟我囉~ 但今次唔係嗡星座紫微斗數子平八字鬼鬼怪怪，而係~ 股市。
嘩，唔係啩？！係喎！
個市勁到直頭堅過食咗春藥同4仔，加上新一年，所以，發吓嗡風啦！只此一篇呀！當然，我唔係炒慣股嘅「神」民；亦唔係日日都有嘢嗡嘅嗰班「財經分析講股佬」嗰啲；更唔係陸東原復生港燦「壹」東尼 (Tony Measor) 嗰隻，所以，o騎 o騎，聽吓算喇！
詳細唔曉點寫，大致如下：
今年全個一月會升，但到二月或三月 (就算唔係都總會有一兩個月係) oD國企會回一回二、三千點度 (建基於啲セ嘢咁講？第一，國企大癲喇！好似嗰隻國壽咁，P/E 成80倍喎，都黐 X 線嘅！第二，而家唔回番啲，邊有力再上？！)。恒指應該會回落到一萬七千五至萬八左右，之後，當然會「冚冚聲」係咁颷 (中間少不免會有啲穫利嘅調整嘅~)！颷到2008年奧運為止。一言之蔽之，由而家到2008北京奧運，係一個大升浪。基本上買邊隻都會有 $ 賺！
之後，Titanic 都唔只，我睇直頭會衰到係「明日之後」。所以，呢段時間，有得玩嘅，好玩喇，到到咁上下，要收呢！
至於樓市方面，連最大粒嗰幾個都唔睇好，所以，要買樓自住嘅，等多陣啦，除咗啲豪宅 (呢 oD係 for 啲大陸富 (土) 豪同本地嘅富者越富)，一般私人樓會再低啲 ga 個價。
13 comments:
嘩!你講到似層層喎,係真唔係先,米呃我呢ｄ師奶仔喎．．．^_^ 不如你轉行啦!
升到咁,而家係銀行好似番到97前咁,個個笑騎騎,個個買股唔買樓,好恐怖!
好多人都咁講，08/09 個市就會"冧" 喎。如果信嘅咪嗱嗱冧趁 07 年揾番筆囉。不過我就唔會掂架喇，自知冇橫財命，費事傷神。
巔巔居士，依你睇黎而家係咪賣樓好時機呢？？
遲到好過冇到!巔巔,Happy New Year!
咦,相隔"一年",做咗講股佬?!XD
係咪真架?
肥鴨
Macy:
"嘩!你講到似層層喎,係真唔係先,米呃我呢ｄ師奶仔喎．．．^_^"
話明神棍喎! ^~
但放心, 我唔會呃人 ga! 呵呵呵!
"不如你轉行啦!"
冇天份....
"升到咁,而家係銀行好似番到97前咁,個個笑騎騎,個個買股唔買樓,好恐怖!"
每次大鑊前都係咁! 驚!
小豬:
不賭為贏, 知命而實行者, 富貴也呀! :)
Joyce:
Thank you~ 祝妳新年快樂 too! ^^
肥鴨:
堅 ga (但話明係神棍發功 ar ha) ^~! 有興趣知點解係堅料, tel 話妳知!
柯蓮娜:
Wait me for a moment please~~~~~~
天靈靈~~~ 地靈靈~~~~~
神前神後心~~~
神後佛後心~~~~~
先請天神將~~~~
後請七煞神~~~~~~~~
黎山老姥降生~~~~~~~~ 喃嘸喃嘸訶里陀~~~~~~
o胡~~~~~~~~~
信女有心人柯蓮娜於農曆丙戌年十一月十五日 (2007.1.3)問道而家係咪賣樓好時機呢？？
o胡~~~~~~~
即係咁, 正如本文提到, "遲 oD, 一般私人樓會再低啲 ga 個價。", 所以, 可以咁講.
但係, 可以第到挨近08年或08年初, 因我睇嗰時會最高 (但講真, 一般私人樓喺08年年中或年尾前升同跌唔會差太遠).
另外, 如果係樓換樓嘅, 可以等08賣, 租樓住住先, 等09樓市冚家零嘅時候執平靚正~
o胡~~~~~~
元神歸位~~~~~
柯蓮娜呀, 錯咗咪插呀! 唔關我事呀!
XD
基金又點
總叫好過一d講股佬：「國壽16元就話上望18，如過18就有機會上20元………」就等如y這種講法就如「呀邊個現在16歲，如果過了生日就是17歲。17歲後，如果無病無意外，就可上18….和19歲了。」
果然你D links無哂喎... template無backup咁大鑊?
樂遊兄:
Heee heee~ 又即係等於我幫條仔睇相, 同佢講: "咦~ 咦! 你而家有一個女朋友 wo!" 點知佢話有兩個. 我 X~ 跟住就自然要話: "咁, 係你第二個女朋友條命太硬, 所以先可以佔一席位!"
Heee heee heeee~
勁過英耀賦!
Mad Dog:
終於攪掂晒 lu! Thanks ! ^^
匿名者:
好似李一萬話齋.... 樣樣買啲啦.... 日本好呀.... 一萬變三萬.... 三萬變九萬.... 三三該九吖嘛....
補充: 之後攪吓印度啦~ 印度 oD.... 好嘢呀~~~~~~
嘩，唔佳哂喎居士！換乜鬼樓，有$$先得架。
我租唔得架，唔係好鍾意遊牧feel。（笑啦，我係怪人丫嘛！）
大家真係同類 :D! 我都唔鐘意租樓住!
Post a Comment