男人同女人，由相識，到走在一起，再到結婚，若彼此緣深情重，就長相廝守，伴至終老。而這個過程，男女雙方都有一攻守互調次序。
首先，男人最初主攻，要黐到實。到關係一穩，女人便反客為主，而且攻勢更為凌厲，管這樣管那樣。結婚後，形勢仍是沒改變，女人的連串主動以波浪式進逼，當然亦黐著男人黐得更緊。
但到了有了孩子，便調轉，男人便開始失寵，因為，已為人母的女人把愛的重心從男人轉移到子女身上。再等到子女長大一點，通常，母親與他們的關係總是比父親密切得多。那時，男人有被孤立的感覺。
到到男人五十幾歲開始，情況更糟。這時，男人怕孤獨，就會一整天對著老伴~ 女人，如開籠雀，蜜蜂黐蜂后般。到到這階段，而女人，一切已將男人盡握手中。
最後勝利，始終都係靈氣逼人的女人。
9 comments:
Interesting observation.
想話你知有嘢想回應，但係好眼瞓，都係聽日先至寫。==
我較認同那個說人多拿了﹐牛的三十年﹐猴子的二十年﹐和狗的十年的故事。最初二十年是人的生活﹐跟著捱三十年﹐揍孫二十年﹐最後守著門口十年。
咁古代嘅？而家唔係咁玩法個喎！
"最後勝利，始終都係靈氣逼人的女人。"
吓!點解冇我份?
不少雄性物種以交配為生存的主要目的；有些品種的雄性蜘蛛和雄性螳螂在交配後會被雌性吃掉，只有極少數能「全身而退」……雄性人類最終被雌性掌握在手中而不是肚中，已算是「上天有好生之德」的幸運了。
如果現實裡頭真係好似梁兄所描繪一樣咁簡單，都仲好；弊在每一個人生出0黎就係唯一同埋獨特嘅，加埋唔同配搭，嘩，D或然率都唔知點計好。
老實講，有D 男人又真係好抵死個0番。明明個老婆做到死死下，又要返工、又要睇細路，做老公唔幫手分擔不特止，仲埋怨老婆變0左做黃面婆，於是揾藉口話老婆唔理佢，乘機出去搞搞震。咁就真係唔啱喇。做男人應該要頂天立地，老弱婦孺一定唔蝦得。
調番轉，做老婆其實要識得點樣令老公對妳貼貼服服。講真，好多男人話："老婆係要0黎錫嘅！" 揾笨X 呀，呢D都係女人嘅0者。計我話，男人先係弱者，天生係要D女人就哂佢地先至真。因為男人死要面，只要做女人嘅識得喺人地面前俾足哂面佢，哼，真係乜都得呀！你話我話㗎啦。
其實邊有必然嘅最後勝利者0丫?反而好多時見到嘅都係到頭來兩敗俱傷，幾鬼陰功呀！當然，呢個世界又唔係完全咁灰嘅，雖然係少D，都仲有真係雙贏嘅。0個D就真係羨慕死人吶。
家家有本難念的經, 對對couple都唔同架噃. 有D女人有左小朋友之後反而會呷老公醋, 覺得個老公錫唒D細路, 忽略自己. 好似aulina講, 今時唔同往日, 好多二人關係已經唔係咁簡單.
柯蓮娜, Mad Dog & 小豬:
你哋都講得啱! 各家各對大不同, 以前同現在亦已時移世逆, 但, 男女之間一般大圍的關係對調都萬變不離其中.
睇睇一般情況的男女戀曲, 差唔先後黐序 ga ja~ ^~
Ruth 姐姐:
:)
The Inner Space 兄:
你呢個故事未聽過喎. 好啱亦好有趣.
樂遊兄:
總之男人真係有男人之苦....
Vicky:
妳仲後生嘛~ :)
Post a Comment