「勇闖」蒲台島

。。。。與其畀人郁。。。。不如自己郁咗自己先。。。。

0700~ 起身。狀態甚佳。

0850~ 到達北角碼頭。首先見到占士，初次會面，自彼此介紹並傾談一番。狀態亦佳。

0905~ 兩位姐姐、Tracy 同佢男朋友 Jackson 先後出現，見到三位女仕標緻嘅假日郊遊打扮，直令 Di Di 我心曠神怡，加上又與新朋友見面，腎上線兼大腦特殊化學分泌標升，狀態極勇。未行彷彿已終點在望。

0915至1045~ 整個船程冇暈船浪，掂！

1045~ 到達蒲台島。並喺碼頭附近食早餐。極之開胃。

1130~ 出發行山。

。。。。

跟住全程冇狀態。應該係狀態奇差。

到到呢度，時間對鵝嚟講已經唔知係乜！。。。。行到吖！！！！大佬，最記得行咗冇耐，超級勁標汗、扯蝦、小小頭暈。。。。全部一嘢蒲出嚟。大約頂到去第一個高峰點嗰度，要 call 飛行服務隊~ 差啲/有衝動。。。。卒之，要求「透」吓，一「透」，「透」咗好耐。仲要畀人影晒相。。。。弊。

之後，剩係記得兩個字~ 「甘頂」！！！！

行呀行，「透」呀「透」，捱呀捱，只有一個信念，點都要「鍊」足全程。(有誰會知鵝心內~~~~ 有~ 極~ 強~ 信~ 念~~~~ Ah~~~ ah~~~ ah~~~~ ah~~~~~) 呢鋪認真悲。。。。

到後半段，情況好轉，已冇想死嘅感覺。但，腳好震。

經過一連串喺大暑下乾蒸嘅人生搏鬥，終於頂到番終點嘅碼頭。我，用咗接近一個小時去散熱降溫。激到用兩技冰水貼住兩隻耳仔。。。。模樣極其英偉。

抵達終點後，去番食早餐嗰間餐廳度食午飯。有幸仲知道 oD嘢好好味。

最後，大家分道揚鑣，到晚黑再到咗 Tracy 佢哋朋友開嘅 Coffee Shop 慶祝佢嘅生日。

今日，好正！

後記：「勇闖」蒲台島，下一句係魂斷大暑日~ 差啲。

「回塘」，仲要係回到乾塘，差嗰少少行唔到就係行唔到。唉~

不過，我都係男子漢吖！盡能力行足全程喎~

一定要 keep 住運動，否則呢。。。。X！

占士，果然係箇中大行家，強！而且，亦好懂得照顧他人。

Ruth 姐姐嘅表現，實在意料之外！堅！最離譜係佢好似仲有大把貨喺手！一路都仲係咁「el尼近」，離晒大譜！

姐姐愛美亦厲害！但印象更深刻嘅係，佢擺嘅 pose 真係好靚！仲有，佢戴鴨咀帽個 look，絕！

Uncle Jackson (一笑) 嘅風趣幽默，平易近人，令我有一見如故嘅感覺。

壽星女 Tracy，今日一見，果然不同凡響。佢，真係係一個好有趣嘅人。

謝謝 Carrie 嘅愛心「補品」。

最後一樣，今日雖然真係好攰，係真攰！但係，好值得。因為當中再完全體會咗朋友嘅關心。

P.S. 有把「遮」，真係差好遠~