Monday, July 10, 2006

世界盃之後~


精彩開心高潮,永遠都係快樂而短暫 ga!好似世界盃,雖然高潮足一個月,但話咁快,眨一眨,踢今日凌晨呢場就完咯。之後又再等多四年,南非世界盃再嚟過。

對我嚟講,雖然我唔算係標準球迷,平時啲甚麼聯賽都只會留意其中幾隊個賽果。世界盃呢,只係揀啲戲碼專心嚟睇。其他嗰 oD,通常只係開住間中望吓。但世界盃嗰種魅力,就係每屆喺曲終人散嗰陣都畀我一份失落感。

今屆另一失落感係我隊波德國喺加時臨完場前一分鐘被我最憎嘅球隊之一嘅意大利篩出局。。。。大家明嘛,咁樣樣死法,真係好大嘅打擊嚟!

不過,全新嘅德國隊除咗一改昔日不得球迷歡心嘅沉悶形象,贏得一致喝釆之外,喺之後嚟 o緊嘅日子,好似2008年歐洲國家盃及2010年嘅南非世界盃,肯定會有更大成就。

另外,唔知點解今屆世界盃特別多人 X 有線。在商言商,加佢老闆係出晒名算死草嘅唔乾淨,點會免費分多幾場畀人睇?!要 X,不如 X 吓無記同中央駐港台 (亞記) 縮骨孤寒。

嗱,下屆世界盃,我估有線唔會攞 ga 喇,咁,睇吓到時其他嗰兩間會點播?值得一諗嘅係,無記有收費頻道,好多人都話佢會喺嗰度放。但我認為未必喎~

因為第一,亞記都有得播。

第二,就算到時無記獨家,但都要睇吓佢個收費台有幾多人有「栽」,唔夠多,冇セ noise,啲廣告商都壓你價。而且,FIFA 話明下屆要有22場賽事免費現場直播,咁,仲買嚟獨家揼喺收 $ 台度放把春?!咁何不照以前玩法,免費任人,以無記水銀瀉地嘅影響力,肯定可以再做到全城哄動,真正全港世盃嘉年華,廣告費點加都得。一舉兩得。

第三,香港啲商家以為好醒,其實走火入魔到豬頭丙。睇吓國內同胞,全國免費直播,收 oD廣告費呢,冇記錯嘅話,大約每五秒幾廿萬,條片最少好似要放三十秒,一樣賺到呵呵呵!大家開心。

第四,而家 oD科技一日千里,四年前,邊有想過 oD人可以喺電腦,heee heee~ 話唔定,四年後,仲方便!

所以,我睇2010年嘅 World Cup 好大可能再次好似以前咁,你好我好大家好,皆大歡喜!

四年一度嘅世界盃,係一個提醒人生歲月流逝,一段時間嘅標記。每四年,又係另一個世界,又一番新景象。

四年後,唔知我又變成點。Posted by Picasa

6 comments:

Anonymous said...

好久不見了...victor
四年前, 我還是剛大學畢業.
四年後, 真的經歷了許多...

再四年之後.....不知又會點呢....

ChecheBee said...

再四年之後...hahah, me more pretty lor~~~~~~~~~ :P

Ivor said...

4 years later?
World Cup at South Africa law!

梁巔巔 said...

Rio)))))))))))))))))) 哈哈哈~~~~

"四年後, 真的經歷了許多..."

咁咪好咯! 每段經歷都係寶貴嘅, 受用一生. 而且, 男人要有經歷, 先有魅力.

"再四年之後.....不知又會點呢...."

起碼大家仲會有聯絡囉. ^^

Bee 小妹,

Heee heee, 而家已經好靚咯噃!

ivor 兄,

到時你隊 Band 可能更出名! :)

愛美 said...

四年前, 四年後, 都不會有分別,
我都唔睇波嘅! (意志堅定!!! hehe)
不過, 我知道, 同阿Bee一樣:
"再四年之後...hahah, me more pretty lor~~~~~~~~~ :P" Yeah Yeah Yeah!!!

梁巔巔 said...

"再四年之後...hahah, me more pretty lor~~~~~~~~~ :P" Yeah Yeah Yeah!!!"

一定啦! 更勝往昔呀! :)