Thursday, June 22, 2006

髮~


我天生髦~ 啲頭髮 (好奇怪,Vicky 佢細個嘅時候髦,大個變直;我細個直,大個髦。) 加上兩旁嘅頭髮以90度角打橫生,有啲仲超過90度。唉,極度唔貼服。所以髮型一定要短,仲要係勁短。要 keep 住短,我只好平均三個星期剪一次。以前有一排,最癲嘅時候試過十四日就飛一鑊。係「甘」oD,但夠舒服方便易打理又好睇,最緊要短髮襯我。

健康又靚仔,爽朗又醒目。

今日又約咗師父剪頭髮,「嘩!セ咁嘅樣呀?!」
「晚晚睇吖嘛,幾乎。」事實上,我呢輪的而且確,確而且的,樣,甚令人惋惜。。。。面部水腫、雙眼浮腫、臉皮乾枯,yuk!yuk!yuk!食得咸魚抵得渴。。。。睇得夜波就唔 mind 走樣!何況,男仔,唔係講樣 ga 嘛~ 當然,變番「娘」仔嗰陣我又唔係咁講。

「留長前面,其他係咁鏟。」
「唔好啦!」
??!!?!?!?好似個頭係佢咁。好多髮型師都係咁個喎,唔知典解!?
「你上兩次咁難先留長番少少,唔再鏟青。而家又走番舊路,鏟番又好難再番轉頭 ga 喇!」
我忍唔住畀佢嘅遣詞用字攪到笑:「咁可以有幾短要幾短!」
「好啦。。。。」佢好似好無奈咁。

完事後,我問佢:「其實,兩邊可唔可以。。。。鏟少少呢?即係再短啲。」
「再短啲啲 ja 喎。」
「係哩~」
「。。。。唔,咁 okay 啦!」
喎 X~

又再一次完事後。「前面呢撮點解仲係差唔多嘅?」
「係咯。你之前嗰撮長得好快個噃!」
「喂,快 oD睇睇我係咪有禿頭?!」
「你就想~」

呀哈哈哈哈哈哈哈哈~~~~ 好一句「你就想」!而事實上,我 oD頭髮又真係濃密非常噃!我身邊嗰啲兄弟?呵呵呵~

諗諗吓,除咗係因為遺傳、天生之外,我估仲有兩樣好重要嘅原因就係飲得酒夠多,以及平時似隻豬,又夠放呀!Posted by Picasa

7 comments:

Carrie said...

"「留長前面,其他係咁鏟。」" -> 叫左你唔好咁剪‧‧‧

"飲得酒夠多" -> 有無搞錯呀!

哼!

Sunshine said...

小饮,活血.
大饮,伤身.

切记,切记.

Ruth Tam said...

You are lucky.

程霜 said...

剪不斷,理還亂。唉!

梁巔巔 said...

Carrie, 冇青到.....

Sunshine, 多謝關心~

Ruth 姐姐, heeee, yes.

霜, 你都好似冇禿頭呢! Haaaaa!

Extraordinary Life 翠斯 said...

"我估仲有兩樣好重要嘅原因就係飲得酒夠多,以及平時似隻豬,又夠放呀!"

系咪講緊個啤酒肚腩多過秃頭呀!

我好鐘意去SALON 架, 好鐘意我D 髮型師唔比我拿主意. 因為咁樣先系個有性格既髮型師嗎.

剛剛我其中一個hair stylist (beijin hair) Decky, 都聽了我的意見. 做頭時堅持自己覺得客人應該怎樣最正! 他前天跟我說: 喂!有效喎. 他說自己現在又可以有番自己的創作, 客人又可以煥然一新.. 我好開心, 因為把我的話聽進去。。。所以我今次的髮型很好。多謝你,DECKY.

梁巔巔 said...

"系咪講緊個啤酒肚腩多過秃頭呀!"

禿頭<---- 「而事實上,我 oD頭髮又真係濃密非常噃!」

啤酒肚<----- = 型~

"我好鐘意去SALON 架, 好鐘意我D 髮型師唔比我拿主意. 因為咁樣先系個有性格既髮型師嗎.

剛剛我其中一個hair stylist (beijin hair) Decky, 都聽了我的意見. 做頭時堅持自己覺得客人應該怎樣最正! 他前天跟我說: 喂!有效喎. 他說自己現在又可以有番自己的創作, 客人又可以煥然一新.. 我好開心, 因為把我的話聽進去。。。所以我今次的髮型很好。多謝你,DECKY."

...... 勁! 連師父都聽妳講~

-____-