二三味~

社民連

又有新力量加入戰圍。

黃毓民、立法會議員陳偉業及梁國雄等基層民主派，組成了「社會民主連線」。黃毓民強調，社民連不是政黨，只可說是選舉機器及代表基層的組織。他批評，目前沒有政黨是真真正正、旗幟鮮明捍衛基層利益，有些政黨更是掛羊頭賣狗肉，所以他們有需要組社民連。(香港人網)

小弟個人認為，姑勿論佢哋他朝成不成到氣候，有佢哋，係一件事。起碼可以凝聚一眾鬥士也好、癲狗也好、重炮也好，去「fei」吓政商兩奸。一個社會，尤其係一個由無能而又詭詐嘅政府管治之下嘅社會，係要有班咁嘅人去嘈吓平衡吓咁先得嘅。

離X譜

星期六晚睇頭條新聞，其中一段講今年黃金週比去年遜色好多。睇到訪問嗰個老董嘅細妹~ 周梁淑怡 (個人覺得佢兩個好似樣) 嘅時候，X，真係笑中帶慶。

條友話：「我哋已做足晒宣傳 ga 喇！咁仲有其他因素例如今年 oD天氣好反覆啦。。。。」喃嘸喃嘸訶尼陀~~~~~ 唔係 fa？！有冇攪X錯？！比個位養肥養到痴#咗吖？！今年天氣好反覆咩！？上年啲天氣好好？！咁嘅嘢都嗡得出？！總之咩都唔關佢事！要X多次！

佢冇料到，可以從佢歷史往績睇到。遠至70年代嘅佳視，到80年代末 ~ 90年代初的亞視，近至而家嘅香港旅遊發展局，比佢打骰嘅都「能得利」冚家拎嘅。擦鞋打關係，攀龍附鳳，阿支阿 jor 阿花八婆咁佢就叻~ D - K - L - M！

識字無賴

近日蠻勁到，把李敖的書翻來覆去，繼而回想在台時已知的一切，再次慨嘆，佢真係一個懂得鑽營包裝嘅識字無賴。

可恥。

走火入魔

一早已少聽光明頂，最近偶爾聽番，發覺陶傑的大頭症自我膨脹程度越來越嚴重，有強烈走火入魔之象。