Thursday, March 09, 2006

有花神,唔駛「騰」~


唔該花神風信子大法師!感激~

前幾日,趁仲咁後生,廿零歲,加上嘉莉~ 大人佢 order 之下,咪學吓「速成」打字囉 (原來並唔係想像中咁難。另外又發現,原來速成唔夠手寫板快!不要以為小弟我喺度妖言惑眾,我做過實驗測試的!當然,要看那隻手寫板啦~ 小蒙恬好嘢!),點知我部電腦 run 唔到「速成」喎,於是乎唯有問喺電腦公司 (原來係 IT 公司至啱。特此更正,否則。。。。2006年3月10號凌晨12:27) 身居要職嘅花神。

花神佢好好人,佢好有耐心,好似教細路教公公婆婆咁教小弟喺部電腦度 click 嚟 click 去 (中間刪去一系列如「即係點?」及「吓?咁呀。。。。」等等呢類小弟嘅廢問題~),如是者,教呀教,係咁教同幫,但始終都係攪唔掂。

由於亦夜已深,花神姐姐佢好 nice 咁話等佢第二天試吓再幫我問其他人,睇吓攪唔攪得掂。

得番自己一個孤兒仔咁樣後,越諗越唔甘心喎,於是就按著之前花神姐姐教嘅嘢再從頭一步一步,一樣一樣咁摸索。。。。最後,yo!!!!終於攪掂!得咗!原來,花神姐姐佢冇教錯到呀!

只係我自己喺選擇咗「速成」後。。。。冇 click 到「確定」。。。。

。。。。Posted by Picasa

8 comments:

Hyacinthus said...

冇 click 到「確定」。。。。

@___________-""

Sheta said...

嘩哈哈~~~
笑到「標」眼水呀我!

Anonymous said...

nice to meet you,我係路過,在電郵中看見了你,有些事好想你比意見我...我同佢行左差唔多2年,除左頭半年係開心之外,其餘都未開心過,佢係返夜班,我訓佢返工,我返工佢訓,我o地一個星期只會見一次,每次見面幾個鐘,食完飯就睇戲,睇完戲就送我返屋企,似朋友多過似情侶,可以話係有男友等於無男友.平時我o地無話題,佢亦都唔會比驚喜我,都而家已經有年半,我都無怨無悔,因佢講過o甘樣都係為大家將來好,要搵錢,辛苦而家舒服將來,天真o既我信以為真,而家我想同佢結婚,佢就話已過左想結婚階段唔想唸,有時佢多一日假都寧願留係屋企唔陪我,究竟我o係佢心中有無地位?同佢問題越來越多,又成日無理發脾氣同對我越來越差,我好心痛,直覺佢出面有第二個.每次唸起我同佢o既問題都會喊,想離開佢但又唔想無左佢,究竟我可以點做?

e-mail:girl1021boy@yahoo.com.hk

梁巔巔 said...

"我係路過,在電郵中看見了你,"

?

Hello~ 詩,

..... 替妳感到難過.

很明顯, 妳男朋友已.....

妳是否介意把妳這問題交由風巔信霜的專家回答?

梁巔巔 said...

詩,

補番條 link 比妳.

http://conjunct.blogspot.com

天涯何處無芳草! 開心 oD.

^^

Hyacinthus said...

IT =/= 電腦公司
我係呀四,唔係身居要職,兩樣野架 @@

"花神佢好好人,佢好有耐心,好似教細路教公公婆婆咁教小弟喺部電腦度 click 嚟 click 去"

呢句又無錯哦,重好傳神tim...

Anonymous said...

我很樂意交由風巔信霜的專家回答

梁巔巔 said...

我們大約會在下見星期尾在右在那邊覆妳的了. :)