奇妙大自然~

我棵植物，由種籽到發芽，再到長出嫩葉至現在叫做「牛高馬大」，快慰！畢竟，第一次種，其中所帶來的新鮮感及驚喜實在空前。

「她」的葉好大、好大，而且還正在不斷變大中 (講真，大到有啲驚。)。我發現，「她」的一對綠葉在晚上會「頭耷耷」，直到大概凌晨四、五點左右又自然會「頭鄂鄂」，挺起胸膛。好奧秘。

有沒有人知點解？係唔係植物都會瞓覺？！

上兩圖：攝於白晝。
下兩圖：攝於夜晚。

P.S. 本來諗住呢篇係關於小弟種嘢嘅終極一篇嘅~ 但自白玉鳳凰大仙花神大法師千歲聖祖師姐風信子前兩日無端端非常關懷的問「凡夫俗子」的我：「咦，um。。。。你那棵植物如何了？」Heeee，咁好死？咁好人關心我啲「植植」？！比位我入，於是我就口沬橫飛依牙鬆鋼地形容比佢聽「植植」有幾掂又有幾好啦！講講吓，花神佢自己插入話題話：「哎~~~~ (陰平聲) 我準備種西瓜 (仲有另外一樣乃秘密，不可透露。否則。。。。)。喺 _ 樓種西瓜，睇怕都冇人得啦啩~~~~？我之前種嘅蛋決定。。。。咩 ga 啦。。。。今次。。。。(下刪數百字)」(Heeeee~ 狐狸露出尾巴 or 圖窮匕現。) 跟住我見佢咁，於是乎就厚道地囂佢一囂啦：「咁鬥種吖~」「嗱，我種セセセ，又種セセセ，睇吓今次又如何~」

於是，種嘢篇會繼續落去。

已約好，若干日後，Blog 上我與她一比成績。到時，o騎 o騎~ 諗起嬴佢嗰陣時簡直~ 開心到痺。Un~ gu~ gu！

保險，風信子好靚女好好人。