第四寶~

巔巔超級三文治、乞兒飯、即食麵大家都知係小弟嘅三寶。您哋有冇試過整哩~ (指嘅當然係巔巔治和乞兒飯)？如果唔知要點整，隨便問我攞食譜，或 click 前面嗰兩寶就知 ga 啦！

前排無意間，又自創咗第四寶 (見圖)。

話說嗰日口痕痕，咪打開個雪櫃囉 (例牌動作嚟)，咦，冇咩可以咬吓嘅，點解？！於是咪摷個 freezer 囉又。望呀望，摷呀摷，原來有雪條啊！

一條、兩條，好味！好耐未食過雪條！兒時感覺又湧上心頭。Mood 到，創意自然又上頭。到第三條，突然諗起有楓樹糖漿喎~ o騎 o騎~ 於是我就左手拎住枝朱古力脆皮雪條，右手攞咗隻湯碗，一口一口咁將脆皮雪條一 o舊一 0舊咁咬完「lur」落去隻湯碗度，「lur 呀 lur」，儲齊到咁上下，十幾 o舊左右，then，倒楓樹糖漿落去撈呀撈，撈呀撈，係咁撈！撈勻佢！最後等到勻循晒，搞掂~ 如圖。正！