再談英文

記得寫法文篇時曾講過：「學嘢要學得快，其中一個重要因素及捷徑就係揾出佢令自己覺得好玩過癮嘅地方，然後寓娛樂於學習或者掉番轉，咁就自然好快上手，事半功倍。」

英文都係喎。英文有很多地方都好有趣嘅。

好似「GOD」，試吓從尾寸番出嚟~ Keeeeeee~~~~ 又例如「VIPS」，又試試~ 由「重要人仕」一下子變咗做「遊手好閒不務正業」的混帳。過癮哩~

另外又有一樣嘢好得意嘅。例如拿破崙曾講過：「Able was I ere I saw Elba！」又例如美國前總統尼克遜當年競選時，曾有以下呢個 slogan：「No X in Nixon！」兩句從尾讀番轉頭都係一樣，得意吧？！忘記了在英文裏有一個字是代表這類玩字的玩意兒的，有邊位高手知道的話，煩請告之小弟。

最後真係要一提嘅係，一個字唔清楚佢嘅讀音就一定要查字典~ 譬如「Corps」這個字很容易和「corpse」混淆，前者讀回法國音，即 p和 s 均不發音；後者讀英文音。前者解團隊，後者解死屍。有唔少人都把「corps」說成「corpse」。。。。

好似有一次就中晒嘞。有一個朋友在觀看阿兵哥操兵時，條友竟說，仲要好大聲咁講喎：「嘩！嗰隊 corpse 操得好齊呀真係！」

-_____-"。。。。

喎X~