北京填鴨

昨天晚上看電視，又見到食神~ 肥滔講飲講食。今次介紹我非常鍾意食嘅北京填鴨。

原來北京填鴨用純種北京白鴨嚟「填」。牠們細個嘅時黃 kum kum，好可愛。等到長大啲，成熟咯，啲北京鴨仔就發達，因為商人為了增加產量，就喺飼養場同 oD鴨鴨實行一夫多妻制，呵呵呵！聽講話一年仲生到二百幾隻鴨蛋！真係努力。

平時啲鴨除咗努力「做」，就係努力食。其實牠們唔想食都唔得，因為那些商人會用一個實在元始粗糙嘅機器 (同法國餵鵝肝嘅提供者朗德鵝嗰技餵食鎗冇得 fight！) 去強餵佢哋喎！見到一隻一隻肥肥白白嘅鴨鴨在一條狹窄嘅通道排隊等人用嗰枝嘢強灌飼料入佢哋個胃入面，嘔！！！！慘呀~~~

等到有番咁上下日子，再長大啲，係時候被人食咯。見到嗰個肥滔同個女主持，嗰頭話 oD鴨仔好得意好可愛，嗰頭就一路又話好味好食，又話要加啲蔥白、青瓜絲、蘿蔔絲、及醬黃瓜等調味會仲加正啲個食 o緊牠們嘅滋味樣。。。。好正！

講真，睇肥滔介紹食，個人認為正過那個李純恩及一眾呢方面節目嘅主持，精彩度更比蔡瀾猶有過之。尤其是睇到佢食嘢時嗰個 high 樣，你就會明白，辛苦搵來志在食；幸福快樂其實好簡單嘅道理。

北京填鴨製造方法~
親自動手，亨受入廚樂，不妨一試這道用料簡單的菜色，讓你嚐嚐當酒家大廚的滋味。

材料﹕
填鴨一隻

調味﹕
醃鴨肚用料：八角一粒；花椒一茶匙；紹酒二湯羹鹽二茶匙。
搽鴨身用料：麥芽糖一湯羹；白醋二湯羹；紹酒一湯羹；生粉一湯羹。

烹調方法：
1. 鴨要在翼底開洞，將腸臟拉出，洗淨，滴乾水分。2. 將鴨肚之用料全部倒入，然後將鴨吹漲投入滾水內十分鐘。3. 將搽鴨身用料拌勻搽於鴨身，即掛在當風處吹五、六小時。4. 將油鑊燒熱，即可將鴨放入炸至金黃色。