有線又再重播雍正皇朝。間中再睇番依然覺得好好睇。國內人多，呵~ oD角色揾邊個似邊個，連啲卒仔都揾解放軍或軍警做，呵呵，有乜辦法唔似？其他方面又鬼死咁認真，服式、對白劇本等一絲都不苟，劇力萬鈞。唔似無記咁喺古代戲會出現現代口語、故事犯駁兒戲。

之不過，美中不足嘅地方係國內拍嘅片往往都因政治因素而過度美化某些戲中人物。如 "走向共和" 裏美化了李鴻章及慈禧等人；"太平天國" 裏美化了曾國藩和 "雍正皇朝" 內過度美化了雍正。

戲內美化雍正嘅程度攪到佢似個好好先生，完全唔係極工心計城府極深嘅胤禛。仲下下被動比人攪，唉，大佬，佢老哥邊有咁和藹可親？！

雍正一生鬥嬴其眾多兄弟並獲得康熙寵信終令其繼成大統，當中蘊藏着易經攻略之道，甚為有趣。