廣東話(二)

廣東話除咗生猛活潑，啲音硬橋硬馬夠晒嘈之外，其實亦有細緻婉柔、古雅温和的一面。

廣東話源遠流長，其源頭可追溯至先秦年代，至今中間經歷了六個時期的音韻變遷。而且還保留了不少很古風很 "靚" 的字如 "靚"、"缹" (煲音) 及 "冚辦爛" 等這些字都是廣東話獨有保留了的字。

元曲內，大家會發現崔鶯鶯和紅娘等人的對話頗似我哋而家嘅廣東話。上一段嘅 "冚辦爛" 就係元代時從波斯傳入嘞。

又例如唐詩，有很多唐詩若用國語讀出往往不叶韻，但用廣東話嚟唸呢，就合晒河車 fit 到 "蚊" 晒！如李白的宣州謝脁樓餞別校書叔云其中兩句~ "棄我去者，昨日之日不可留。亂我心者，今日之日多煩憂。" 只有用廣東話先能讀出 "留" 與 "憂" 的那個韻。國語嘛，很 "翹" 口嘅。"留" 讀 liu，"憂" 跟廣東話一樣，那可見完全不叶韻。這亦是由於廣東話吸取了唐代的音韻。

所以，廣東話，包涵咗好多朝代時期嘅音韻，博大精深，複雜非常。故另在研究方面絕不可能限定一個時期來研究。而現在正推行 o緊嘅粵語正音，嘿，我冇談錫永咁勁，自己睇睇呢度，睇吓佢點鋤嗰位假道學何文滙啦。

不過，都要跟幾句。改嬾音係啱~ 譬如 "恒" 呀、"北" 同 "佢" 呀呢 oD字係應該去除佢哋嘅嬾音。但，千祈唔好矯枉過正、咪走火入魔囉！如果唔係，廣東話就會比呢班茂梨破壞晒神韻精髓個咯。