最近香港有單嘢同美國時代雜誌亞洲版英雄人物選舉有異曲但同工之 "妙" 嘅盛事，就係一年一度嘅十大傑出青年嘞。

十大係邊幾個？睇完但數極都數唔番晒出嚟。之不過呢，有兩個就好Q記得嘅，一個係成日唔知佢喺度笑セ嘅楊千嬅、一個係不久前喺街 "喪" 咀國內肥妹女歌手雲雀~ 韓紅嘅許志安。

十大傑出青年究竟係以セ嘢標準嚟釐定？如果係以傳統標準嚟計，我估如果我話以上兩位仁兄大姐仲未夠 "quali" 得獎相信冇人會 "ad"。但如果係以當紅嘅標準嚟睇，佢哋又唔係最紅喎。咁即係究竟以咩嚟頒個傑出青年獎比佢哋呢？

有 oD佢哋嘅 fans 會話佢哋都做個好多慈善 show，又參與過好多公益活動云。。。。哦~ 喂，唔好忘記，呢啲係佢哋嘅工作之一。而且，好似 oD忠心 fans 話齋，佢哋都做咗好多 "show" 啦。Come on，香港各大偶像嘅 fans 們，做個有水準深度啲嘅 fans 吧。

原來呢，點都要選一兩個藝人入去係用心良苦嘅。原來咁樣可以起到宣傳影響作用。就係借住佢哋對其 fans 嘅影響力去鼓勵青少年努力向上~~~~

咁出發點始終係好係正面嘅，諗諗吓，就唔應該喺度阿支阿 jor 阿 fa 啦。哈~ oD fans 聽到啲火氣起碼減半。佢哋真係好忠心嘅。呀哈哈。

另外，o蝦~~~~ 好多藝人都好努力，但點解又冇份？要番番轉頭前兩段，因為佢哋又連比較紅都講唔上囉。人微言輕嘛。

La~ la~ la~ la~ la~ la~ la~ la~ la~ la~ la~。。。。一定要砌夠10個嗎？