糖衣軟毒

細路仔嘅時候，其中一個玩意兒就係角色扮演 (唔似而家啲 o靚 o驚剩係識戇鳩鳩對住部電腦)，嗰陣時，好鍾意扮西部牛仔，逼阿妹扮男人紅蕃。因為，嗰時覺得，牛仔好型，紅蕃好 o騎哩；最重要係，牛仔係忠嘅，紅蕃，壞蛋嚟！

最近喺有線舊英文片台又再睇見西部牛仔片，嘩，講到啲牛仔幾咁英，oD紅蕃幾咁麻煩，成日對付啲牛仔。

長大咗先知，嘿，原來，啲牛仔先係壞人，先係侵略者。極勁 (毒) 國民教育。

盡在不言中~

寫在後面：

嗰時角色扮演仲有扮動物。好記得我同乾哥哥、乾弟弟、妹、鄰居佢哋一齊扮豹 (唔知點解唔扮獅子老虎同其他)。。。。

仲有一齊扮中國殭屍。