大少之患

阿媽講嘅嘢，未必啱晒。但係有啲呢，起碼有啲，唔會點您 (天下間最愛您只有媽咪一人)，係對嘅！

我媽咪，成日叫我啲姿勢唔好咁衰。我 oD姿勢點衰呀，well，其實都唔係衰，係坐嗰陣時，成個人好似冇腰骨咁攤喺張櫈或者梳化度，似大少大爺囉 (見圖)。

同 o埋，平時我坐喺啲冇靠背嘅櫈，都會好「寒背」，「寒背」到，好似駝背咁。。。。

媽咪話過我 n 咁多次。

唉。。。。日子有功，又嚴重缺少運動，再加上頗肥。。。。不久前我終於出事。

點呢？就係左腳先開始麻麻痺痺地，漸漸，越來越痺，越來越麻，變到好多時由臀部到大腿背部乃至小腿到腳板底都好似畀冰水淋畀火燒咁，再不單只係麻同痺，仲非常「冤痛」tim！連只係企喺度都唔掂！攪到行路「兀吓兀吓」，所有行動以慢鏡頭進行。您哋知啦，我急性子急先鋒嚟 ga 嘛，又狂燥，乜都要快，所以，可想而知，我係幾咁辛苦痛苦！

好驚驚！

睇過醫生，醫生話冇得攪，跟一世！但可以透過物理治療攪。好麻煩！

過去兩個幾禮拜，我無論坐、行、企，都好似關公咁，到到而家，託賴，好咗好多！阿彌陀佛！媽咪講得啱，姿勢好緊要！

遲啲仲要返台灣，好彩！唔係嘅話，唔知點算！

大幸！

謝謝上天！