最後一煲

冬天意味最近非常之濃！未踏入十二月已經凍得咁正，唔，相信今個冬天會很冷！正！

大家都知我一向好鍾意喺呢啲時候久不久就整番煲「杰撻撻」嘅火鍋嘆吓！

嘩！用清雞湯配白蘿蔔做湯底 (加小肥羊出嘅包裝麻辣火鍋湯底更冇得頂！)，跟住將 oD肥牛片、羊肩肉片、牛筋肉丸、墨魚丸同其他等等「雜貨」嘢一鍋過放晒落去係咁滾！

然後放粉絲，啲粉絲「索」晒 oD精華，再加少少辣椒豉油，一大大湯碗過連埋啲料一齊食！Yo！Yo！Yo！外冷內滾，熱汗一出變冷汗係咁飆，飽暖思淫慾，思想會歪曲嘅超直線感受，簡直天上人間，此餐 (煲) 只應天上有~

好唔健康！。。。。咁食法。。。。

我知~ 我知~

所以，呢晚呢煲會係最後一煲！

下個月，十二月開始，我會逐步逐步做一個健康嘅年青人。

四十歲喇~ Well~ 呢次，一定得。

P.S. 。。。。ummmm。。。。即係，第日間中耐唔耐逼不得已嘅時候，偶爾破一破戒又情有可願。。。。

總之，戒食杯麵 (食埋嗰一大包唔再買) 戒食煙食清啲 (淡) 酒少飲要運動，全部 I Do！