不再有情天橋底

有留意開社會時事都知道，政府對打擊平和兼無辜「流浪瞓街一族」不遺餘力。例如借清潔消毒為名，洗濕晒某 oD經常有「流浪瞓街一族」瞓嘅地方，等佢哋連稍為可以一瞓嘅「街」都冇得瞓！佢哋已經要瞓街咖啦，點解仲要趕絕佢哋？！啲高官土豪有錢人僭建又唔見政府咁惡咁絕？！

仲有，大家留意吓，留意咩呢，就係新起嘅天橋嘅天橋底！以前嘅天橋底，無意中提供咗唔少「安樂窩」畀「流浪瞓街一族」。但依家嘅，大家會發現，除咗大開揚，個橋底地下仲會特登做到有一個一個石屎方格 (廣州嘅仲絕仲激！甚至做成錐角咁！見圖！) 凸出嚟！For what？嘿，等啲人連橋底都冇得瞓咯！

對曱甴，我哋係點咖？！趕盡殺絕！

估唔到亦唔想係咁但偏偏係咁。唉。