輕鬆歌曲迷人口哨~

細個嗰時成日喺啲電視同電影聽到呢隻歌，尤其是吹口哨嗰 part。好鍾意！一直都好想知呢首歌叫咩名，但由於嗰陣仲細，又冇互聯網，所以一路都搵唔到。直到寫 Blog，喺呢度問，啊，先知原來呢首歌係叫「Be A Rover」。

有好多時，開心又好唔開心又好，鬱鬱不樂又好輕輕鬆鬆又好，我都會吹番兩嘴口哨自娛嘅。



鍾唔鍾意呢？下次吹畀您哋聽~

恐怖的一代

如果我有兒子的話，我會自編教材 (至少每天以我動人的演說能力教導他)。並對他說：「學校的甚麼國民教育，都是他媽的害人垃圾！上堂時，想其他東西或者發白日夢吧！」

二次大戰時期的納粹德國，在希特拉的一連串一系列的洗腦方法之下 (其實，單單看希特拉的演說已足夠有餘。曾有人說過，他的演說，能將虔誠的基督徒即時變成不再相信神。)，除了贏得全國人民的歡心及支持，掌握大權，他還要青少年，甚至兒童去為他賣命。如當初那些納粹少年軍，他們全都是金髮藍眼的美少年、美少女，個個充滿熱誠理想 ，個個儼如絢麗陽光下的靈性小天使，誰想像得到，後來會幹出瘋狂的行為？！


又如文化大革命時期的中國，那些青少年紅衛兵，同樣是個個充滿熱誠理想，個個自問忠黨愛國，他們頸項結上紅色的小領帶，個個英氣十足誰想像得到，他們會瘋狂到連自己爹娘也毫不猶豫，眉頭也不皺一下的「出賣」，狠下殺手？！

不舉以上這些那麼誇張那麼遠的例子了，我就舉一個發生於現在，發生在我身邊的一個好朋友的例子吧。 

六四事件發生的時候，我那位朋友是九歲。他一直住在較北較偏僻的農村。到到二十出頭南下發展自己的理想。在他三十歲左右時，已有屬於自己的小規模生意。他雖於農村長大，做生意又有天份，但他不單識字，喜歡看書，他的國文程度還比香港某些大學生高出不知多少。而且，他雖然愛錢，但又不會如一般國內的人為錢而埋了良心瞎了眼。 

一個如此有文化，如此聰明能幹有主見的人，在共產黨的思想教育控制，言論箝制以及新聞消息封鎖之下，他對六四「真相」的認知是共產黨版本的。這，並不出奇。奇就奇在，簡直令我震驚的是，我多次向他講述整件事件的始末，他依舊不相信，還說我受了「美帝」的蒙蔽。有一次，我乾脆拿了一本時代雜誌的六四特刊給他看，裡面有多幅「血的鐵証」，但是，他竟然仍不相信，更還懷疑道：「現在的電腦合成技術真厲害！」 

原來，國內，真的有非常非常多的人，尤其是新一代，是不知道或不相信六四的真相的！ 

上期曾提及柏拉圖提醒世人，假如真的有人看到太陽之後，回到原處，希望其他囚犯也都能脫離誤導迷惑，得到真理，要領導他們出去尋求真理之光，可是，可悲的是，他這樣做，很大可能會引起那些情願繼續生活在黑暗地獄的囚犯們的誤解和厭惡而將他殺死！ 

對。試想，如果在二次大戰的納粹德國或文化大革命時期的中國，有清醒及理智者站出來反當時的其道而行，其下場會怎樣？事實上，那時那地，又真的有多少這樣的人為此而送上生命了！ 將來的香港，我們的下一代，會變成怎樣的人？！

廢「物」殘「$」

叫做認識一對有錢有名夫婦。呢對有錢有名夫婦，錢，阿「公」嘅，每月家族基金有筆都幾可觀嘅家用畀佢兩個 fing。名，個老公出名玩某樣嘢，仲幾勁咖！不過得呢樣叻 ja 喎，做嘢？直頭戇撚居居乜都唔識！真咖！個女嘅，至叻認屎認屁，買嘢威威扮靚至醒！平時對啲員工刻薄到暈，對啲「平民」呼呼喝喝！

人，隻公冇乜點。係「o都」啲囉。隻乸就。。。。well，係啲扮晒大家閨秀，但係呢，郁 oD就潑婦罵街咁咖嘞！原來啲娛樂報導、八卦雜誌同網上嘅流傳，全部係真！質地係咁就係咁！劣就係劣！。。。。

兩公婆平時冇乜嘢做嘅，去吓街，湊吓仔女，飲飲食食去吓 Ball，玩呢樣玩嗰樣。番吓公司舖頭無目的咁坐吓兜個 round，hea 吓過吓癮，咁又一 day 又一月又一年咖喇~

蛀米大蟲，更係上流社會下流人~ 係你兩個呢種人。

做人，都話咯，一命二運三風水四積陰德五識做人六識朋友七先讀書~ 最緊要識投胎！

消滅八婆

有好多辦公室入面，都有唔少 X 人 (好似7仔咁，梗有一個喺左近！)。其中一類，集 X 人千百優點在一身，正一 X 人中之 XO。

呢種人，實力唔夠，靠嘅只係喺間公司，喺佢個豬欄狗竇範圍做得耐，即係所謂嘅「老屎忽實力」。

工作上，最叻剩係好熟識電腦 System 同日常流程嘅嘢，係咁多~

其他領域嘅，就叻到呢~ 例如一，好似扮首領 (大哥大家姐)，任何人都要埋佢堆氹佢開心聽晒佢話奉承佢 (當然高級過佢除外。不過，同級都走唔甩！)；例如二，將佢最熟識嘅電腦 System 同日常流程，有咁長得咁長嚟說明，拖你四、五個月都未識晒 (原因大家知啦！不贅。)；例如三，玩是非。一於是非唔單只當人情，仲係維繫佢個「group」嘅一大主力；例如四，將是非仲玩 o埋加強版~ 小事化大，無中生有，以達到洗腦效果，杯葛異己 (仲惡過老細！)。例如五。。。。

挑~ 正仆街！

噏往咁多先。

對住呢啲撚樣兼臭 O，只有一個方法，就係以 X 易 X！

我星期六，終於 X 七個八婆！佢即刻笠 Q 晒水收晒皮！你哋話吖，呢啲人係咪賤鳩格？！好好對佢唔得，係要惡要 X 先得嘅！

條八婆，姓「豬」咖真係！

Hi~

。。。。很多原因。。。。今夕星光黯然。。。。

冇 mood 講咁多。憑歌寄意。

X~ 去歌！

洞穴養童

請想像，有一個很深的地下洞穴，洞口之外是燦爛的陽光；洞底內，有一群又可憐，又無辜的囚犯。這群「囚犯」從年幼的時候，他們的頸部和腿部都被綑綁著，並面對著洞壁，永都看不到陽光。而囚犯與洞口之間，又有一團大火球，大火球與他們之間又有「前路」及有如矮牆的簾幕。 

那條「前路」，常常都有人走來走去，搬運人和動物的鑄像。雖然，囚犯們之間彼此都看不到大家和陽光，但能看見外面的火光映射在內牆的鑄像影像以及其自己的影像。 

如此，囚犯們就滿足了。應該說，他們「不知真實底蘊」地滿足於影像層次的假像，不知道真理之光，永遠過著黯然無光的生活。 

即使，日後，他們突然得以見到陽光，也會因經不起，受不了猛烈的陽光，而寧願回到原地，繼續以虛假的影像為更實在和更有價值的「真實真正」存在。 

以上這個情境，乃希臘大哲學家柏拉圖就關於「善」之「形相」而在其「國家」篇卷七提出的「洞穴的比喻」(The Allegory Of The Cave)。柏拉圖認為人世間都有很多人過著如此淒涼的生活狀態。他們被別人所施展的詭辯和修辭而使自己有著愚昧的偏見，並且，被遮掩了真理之光的照射，令他們完完全全曲解了真相。 

假使，洞穴內有一個囚犯在不久後脫去枷鎖，逃進洞口。。。。如能漸漸適應光線，不一會，他所看到的便不再是事物的影像，而是事物的本身。這樣，他已擺脫了虛假影像界裡的謬誤及偏見，在往後能培養以常識和感覺經驗接觸眼前現象。而且，在洞口，他更可親眼看到真實的陽光 (即「善」、「真理」)，從此進入知識的世界。 

另一方面，柏拉圖提醒著說，假如真的有這樣的人，他在看到太陽之後，便回到原處，希望其他囚犯也都能脫離誤導迷惑，得到真理，要領導他們出去尋求真理之光，可是。。。。可悲的是，他這樣做，很可能會引起那些情願繼續生活在黑暗地獄的囚犯們的誤解和厭惡而將他殺死！ 這，亦是「洞穴培養」其中之一最恐怖可怕之處。 

這個二千幾年前由柏拉圖所創作的「洞穴的比喻」，在歷史裡，一直都有暴君、獨裁者及野心家去真實演繹。並且，演繹得曾經非常成功。。。。2012年的今天，竟然有「東西」準備在香港掘出如此的一個洞穴給我們的下一代~ 小孩子他們。

有冇人記得？

我呢一輩七字堆，同之前嘅，應該唔會唔記得「大大」呀、「大丸」呀、「龍子行」呀同「松板屋」呀呢啲已消失 (被淘汰？) 嘅上一代百貨公司。係嘛？

有幾多，能夠到而家仲仍然存在？ 好似以上嗰啲大嘢都頂唔到，細嘅仲有得剩？ 

記憶好奇怪，唔知點解好記得兩間細嘅衣物服裝店個名。呢兩間都係喺我小學四年級之前見過。

 一間叫「山打」。賣鞋嘅。記憶中當年應該位於中環。同 o埋，好似幾出名下。 

另一間叫「三蕃市」。賣衣服嘅。店舖位置唔記得咯。但好記得佢個膠袋有幾個紅蕃大頭樣。 

呢兩間，我都未幫襯過。

您哋有印象嘛？

瘋癲 BB~

呢個世界，well，就算唔係「2012會世界大亂」，都已經黐鳩晒線瘋撚晒狂！

唔係咩？！舉一個好簡單例子。

個 BB 未出世，甚至只係個零兩個月就已經要覇位生！到到咁上下連父母都要準備好，要唔要信教 (入教會名校有分加嘛！)！到就嚟出世嘞，已經要諗定入邊間好嘅「遊樂場」畀佢玩 (方便入間好幼稚園吖嘛！)！唔駛幾耐，出咗世咯喎，又已經要摷定啲有水準嘅幼稚園資料 (方便入間好小學吖嘛！)！仲有呀，有啲錢剩嘅，又仲要預一份錢畀佢學呢樣學嗰樣起碼兩三樣 (方便入間好小學吖嘛！)！跟撚住，入到小學又已經要考慮到中學！之後，又要諗出國定還是升上去。。。。

完全冇誇張！

一句~ 人，生出嚟，自有佢一份屬於自己獨一無二嘅人生劇本咖喇！唔駛咁煩咁緊張嘛~

平靚正眼鏡店

Dooo！！！！Dooo！！Doo！！ Doo！！！ Doooo！！！！好介紹又嚟！

百物飛升騰貴！人工加幅又追唔上通脹！唔計供樓交租水電煤，其餘好惡頂嘅食飯同交通冇得慳！只好畫量喺其他地方省一省！慳得幾多得幾多！

今次好介紹係買必須品之一嘅地方~ 眼鏡舖。

呢個地方，叫「眼鏡XX工場」。呢間眼鏡店，有唔少劣評，但我幫襯咗成五、六年，配咗成十幾廿副眼鏡，都冇唔妥。呢間嘢嘅價錢，平均比「99」同「亮X點」平成四、五百蚊！！好似一副普通框 + 百零二百度近視 + 不反光鏡 + 色，都係四百零五百蚊左右！其他嗰兩間，只係鏡，「亮X點」要成六百幾！「99」要千幾 tim！！！！

嗱，我去配冇問題，唔代表您冇咖喎！睇醫生都要講醫緣；識人做朋友要講眼緣；拍拖結婚要講更多緣啦！所以，有問題唔好鬧我呀！

七歲喇呢度！

哈，有颱風賀生日！

時間真係過得好快！！話咁快寫咗七年！！！仲記得七年前，2005年開 Blog 嗰日嘅時候同寫啲乜。人生真係化！

喺呢度，好開心一路有您哋！

依然是妳

那夜，收音機響起了這首歌~

「。。。。
如果當初　重不分手
人生一起怎麼走
可惜當初的一切　不可以回頭

也許那天太早分了手
到了這天卻開不了口
始終都不知道以後

舊情人是個　做到最好偏錯失的結局
怎麼沒有結果　長夜裡恐怕已想得太多
舊情人是個　在腦海中飄過的感歎號
是對是錯也好　離別了只覺我已是迷途

舊情人是個　做到最好偏錯失的結局
舊情人是個　在腦海中飄過的感歎號。。。。」

舊情人。

聽到中段，眼淚凝滿在眼眶強忍，始終滴落粒粒兩行。

舊情人，很多。但最記掛的，妳可知，到如今，是妳。依然是妳。

http://www.youtube.com/watch?v=jcoiKXea_mk 試聽

臺灣天嬌．中華正宗

從小學時的兩小無猜式談戀愛到長大後的多段愛情，直至現在，曾與過不同國籍、地區的她交住，一起譜出不同的美妙愛樂。

她們每一位都很精彩、迷人、獨一無二。而來自不同國家和地域的每一個她，都擁有著屬於她們出生地的那股俘擄男人心的不同魅力氣質。民族性真神奇！真性感！ 

當中，最叫我迷戀，而永遠也沒法對她們產生愛情抗體的是臺灣女人。 

臺灣女人，她們的平均質素，在外表上，樣子漂亮身材一流。論內涵，對文學、歷史、藝術同東西方文化都有著應有的涉獵，有不少臺灣美眉甚至有著更深層的認識。每一個她，分別與我在外雙溪旁，柳樹下的草地上；在故宮博物館內；在臺北美術館的咖啡廳；在誠品的打書釘之後；在東區的多少間 Cafe；在西門町的微醉街頭；在高雄紫金迷人的愛河旁畔；在高雄市中心駕著電單車風馳電制的午夜；在如今已曲終人散的天母第一 Pub~ 犂舍~ 我們從李白的「天生我才必有用」談到笛卡兒的「天賦觀念論」；從孔子的「『儒』愛」到尼采的個人「超人意志」；從老子的「道」到海德格的「存在主義」；從臺灣總統競選風波動盪到香港的優劣；從品茶到嚐紅酒再到法國大革命等等等等這些這些，每個細節，情境，是如此刻骨銘心。我深深記得。可能。。。。亦難以再遇。 

更致命的，是她們給愛人的情信。她們將所有情感、感情、至感性感覺感受，當然還有無盡的愛意 (恨意) ，化寄於字裡行間，其感情真摯，行文纏綿，隨便一封都要人的千萬條神經引起騷動。即使，只是隻字片言的一封，也足叫您嘆道：「人生不過如斯如此！足矣！」 

還有她們的眼淚，情人的淚，彷彿天生便是為你流。淚已在，淚在流，對您不離不棄，真心甜言蜜語，始終如一。她，跟定您了。除非，您不懂珍昔，您，嫌棄。。。。 

而最厲害之處，是她們自少就已被培養出要征服男人的心、技藝。因為，台灣有一條法律，叫危害家庭罪。在台灣，當情婦、狐狸精是會被罰款甚至身陷囹圄的，加上台灣本已女多男少，台男的質素又。。。。所以，為自保及本能使然，她們不得不令自己厲害，去令自己有一個合法依歸。 

臺灣女人，真真正正入得廚房，出得廳堂，見得大場。最彌足珍貴的是，本欄上期才寫到，臺灣女人，是中華的瑰寶，那民國遺粹的精彩，只有在她們身上才能再看到感受得到。

儘管，新一代的臺女是「哈日」還是「哈韓」，也影響不了她們的優秀本質。不要忘記，上幾代的絕世臺灣天嬌，她們也不是曾「哈港」嗎？

要體會中華文化正宗，去臺灣吧。

「難食鍋貼水餃專賣店」

唔係叫乜乜專賣店，就係正嘅！

好似呢間叫「四海遊龍鍋貼水餃專賣店」，就認真唔係咁掂！

點唔掂呀，喂，你間嘢賣得鍋貼水餃，仲要叫做專賣店，應該好好食咖嘛！點知唔單只唔係好好食，毫無水準，仲要唔好味！真係搵笨七！

例如照片中嘅「招牌鍋貼」同「招牌水餃」湯麵，唉。。。。衰到呢！

鍋貼同水餃，啲餡冇特別，鬆 pel pel，冇尼味道。鍋貼「軟賴賴」，X，連個底都係！由外至內死氣沉沉！水餃，外表好啲啲，但個內涵，yil，一樣咁衰！而且，個湯底比水濃少少！衰上衰！啲麵質又整到一條條蟲屍咁！衰 x 3！

仲要叫招牌鍋貼、招牌水餃。。。。居然可以整到咁 Q 難食！真係好難得！知唔知醜？！

唔好味已經衰，難食而仲要打正旗號叫專賣店，就正一係死罪！

一於叫「四海遊龍難食鍋貼水餃專賣店」啦！最憎呢 oD名不符實嘅食肆咖嘞！

我要 Poncho~~~~~~

我唔係買衫狂，亦唔會花大部份錢買衫。即使試過瘋狂迷上著德國足球國家隊波衫，都係一陣咁多，亦只花咗二千零三千蚊咁大把。

但係，有四樣衣物我係黐晒線地鍾意，一定要買到嚟著同戴。

第一樣，係牛仔靴。我指鞋踭後面係有馬刺嗰啲真牛仔靴。Ummmmm，我有一對類似但冇馬刺嘅，都算叫擁有。但我點都會買番對！但好難搵！

第二樣，係大軍褸。我有一件喺上年買嘅中國長軍警褸！型夾帥！

第三樣，係東北狗皮帽。哈哈！呢樣直情超額擁有！

第四樣，係西部牛仔斗蓬 (Poncho)。呢樣，我諗真係要去番美國德州或者墨西哥先買得到！有冇邊位知香港有冇得賣？我要呀~~~~~~~~~~~~~~~~~

舊曲勁歌

呢首歌，我當年喺卡啦OK房飲到 High High 地嗰陣必聽。有時仲會跳 o埋舞 tim！

好聽！好勁！仲跳得好睇 (我指草蜢。尤其是蔡一傑。)！



仲有原曲。



但都係覺得改編嘅草蜢版本正好多！

兩個地方

近呢一排，去咗幾笪以前經常要去會去嘅哋方，變得好勁！其中以尖沙嘴加連威老道、觀塘工業區近地鐵一帶變得最厲害！

以前，講緊90年代前期到中期，我成日會去加連威老道的一排地舖買衫。嗰時嗰度，啲衫平靚正！有唔少而家我仲有著緊！

觀塘工業區，尤其是近開源道同成業街一帶，差唔多十年前左右，因工作關係要成日去，嗰陣，只覺等觀塘污煙瘴氣，冇乜好感。

呢兩處地方，淪陷晒！唔單只商廈，加連威老道啲地舖，已全部被各名牌商店攻佔。觀塘，亦矗立住唔少新商廈。

冇晒味道。

Hummmmmm，而家先感到，嗰時嘅觀塘，原來唔係咁衰嘅！都幾好呀！

金魚趣

養開魚嘅人，有唔少都唔鍾意養金魚。佢哋覺得金魚冇乜美感，又大食又冇性格。

我就覺得養金魚，極爽呀！大食勁屙 (有時仲會多到屙到 lun 住一條好長好粗嘅屎！其他金魚游埋去食！食完又噴番出嚟~)，又開朗，好福氣又無拘無束天跌落嚟當被冚咁，好 happy 嘅真係！

仲有，我懷疑金魚有智商！起碼，叻過其他熱帶魚類！

好似我有一條「鴻運當頭」咁，佢除咗識返肚扮死，仲好鍾意游背泳！又有一條我估係錦鯉同金魚嘅混血魚，仲勁，佢識得「飽」字點寫！(但偏偏食得最多，長得最大係佢！)

最衰冇時間又怕煩，如果唔係，養番缸好似電視機咁大嘅生態魚缸，自己做上帝~

突擊小豬老友「記」

今日中午喺九龍某區辦完事，難得山長水遠去到，heeeee，點可以唔做番啲嘢。。。。

突擊好耐冇見好耐冇乜點聯絡，但依然情義倆心知 (我估 ga 咋！) 嘅小豬哥，上到去佢 office，個 receptionist 問我有冇預約，我話冇，跟住報上名字。。。。坐低等。。。。一路等嘅時候，心諗：「咦，佢記唔 Q 記得我叫 Victor 呢？」、「咦，我係唔係要用第二個名呢？」、「咦，佢唔見我咁點？」、「咦，如果佢叫我躝。。。咁點？！」。。。。

哈哈哈哈哈哈哈！重情有義嘅佢，點會呀！仲有，而且係我喎！(見到我，佢幾開心呀都唔知！不過我仲開心！加番呢句先！)

一見面，完全唔駛 warm up，嘻嘻哈哈入大直路嘻皮笑臉正正經經傾咗一陣再去食晏再真心交心吹水。爽。

由見面到 bye bye，從心對心；傾談儀容、內容到食相，大家冇一丁點嘅假，他媽~~~~~ 的舒服！

又一証明，真老友又緣深兼份未盡，唔駛成日聯絡成日見都會情感依然~

*小豬哥 X 人係得嘅！今日其中一樣講到國民教育，佢 X 話，洗腦，其實啲教會一 Q 樣，好似食飯嗰陣，如果啲仔女好誠心祈禱多謝上帝畀飯佢食，反而唔係多謝老豆老母，真係慶呀~

哈哈哈！係呀！

嗱，係佢 X 咖咋！Heeeeeee~

不再有情天橋底

有留意開社會時事都知道，政府對打擊平和兼無辜「流浪瞓街一族」不遺餘力。例如借清潔消毒為名，洗濕晒某 oD經常有「流浪瞓街一族」瞓嘅地方，等佢哋連稍為可以一瞓嘅「街」都冇得瞓！佢哋已經要瞓街咖啦，點解仲要趕絕佢哋？！啲高官土豪有錢人僭建又唔見政府咁惡咁絕？！

仲有，大家留意吓，留意咩呢，就係新起嘅天橋嘅天橋底！以前嘅天橋底，無意中提供咗唔少「安樂窩」畀「流浪瞓街一族」。但依家嘅，大家會發現，除咗大開揚，個橋底地下仲會特登做到有一個一個石屎方格 (廣州嘅仲絕仲激！甚至做成錐角咁！見圖！) 凸出嚟！For what？嘿，等啲人連橋底都冇得瞓咯！

對曱甴，我哋係點咖？！趕盡殺絕！

估唔到亦唔想係咁但偏偏係咁。唉。

黐線~ 一碗麵！

照片中嘅呢間食肆~「一碗麵」，以賣臺灣牛肉麵為主打，同 o埋以賣百幾蚊一碗嘅牛肉麵起朶。

聽講，用料足而且好味。

。。。。賣成百幾蚊一碗用料梗要足味道梗係要好味！如果唔係，認真抵打！

又有朋友食過，話：「噓！好好味！貨真價實！」

貨真價實？！。。。。喂，臺灣嘅牛肉麵，間間都好好味！但價錢，臺幣幾拾蚊 ja 噃！！！！咪仲貨真價實！！！

另方面，事實上，亦有唔少幫襯過呢間食肆嘅人對佢投以「搵笨」票。

點都好，百幾二百蚊一碗麵，又唔係咩山珍海味，我一定唔會去食。

情人的眼淚

「為什麼要對你掉眼淚？你難道不明白是為了愛？！只有那有情人眼淚最珍貴，一顆顆眼淚都是愛都是愛。。。。」

台灣女人一直所向披靡，溫婉細膩。極工心計然又坦蕩蕩，執你的手陪你走到人生到底。自從在那裡生活過後，更親身感受到她們的精彩。

她們有著西方女人的豪放率性，同時揉合著東方女性的含蓄嬌媚。她們愛得徹底，完全奉獻。然另方面，卻八面玲瓏，心清腦明。

但再厲害，也逃不過情的一關。

不久前，屬於上一輩的台灣美人，亦是我喜歡的台灣演藝名女子~ 張美瑤去世了。

唉。

才七十一之齡。

忽地回想起她於幾年前的一個專訪，看後更感到她們對愛的傻勁執著，情的傷人之深。

在台灣時曾在電影資料室看過她與他的一些故事。那時，柯俊雄還是來自台灣南部的小混混，咬著檳榔，帶著一絲邪氣的煞食俊臉，把美麗清脫又有貴氣，當時得令的張美瑤徹底俘虜 (難道真的男不壞女不愛麼？)。在一起拍過幾部電影後，她們結婚了。婚後，她退出水銀燈下，為他相夫教子，可是，生性風流的他怎會就安於此？

聽聞，三十多年來，他在外胡天胡帝，生活亂七八糟，亦未曾盡力為她們的家付過責任，到不久前，她終忍不住，要離婚了。最動人的是，在他選立委的時候 (那時好像已離了婚)，她還站出來為他拉票。到他選上了，她便悄悄歸返環境不太理想的台北住處。而他，卻依舊一如往昔，在外風流快活 (據聞，前幾年她因經濟問題而與他鬧上法庭。)。

但於整個訪問中，看不出她對她的一點怨恨。有的，是絲絲迥腸思念。主持問她：「若小柯回來找妳，妳還會接受嗎？」她眼珠彷似凝望無盡浩瀚，語帶無奈的只回了句：「。。。。是他根本不會。。。。」


「為什麼要對你掉眼淚？你難道不明白是為了愛？！要不是有情郎跟我要分開，我的眼淚不會掉下來掉下來。。。。」 

他這樣子對她，超過一萬多天了，到如今，她還可這樣情深愛重，嘆一句傻之餘，還嘆愛的毒人之深。解不了，也將永鬱著餘生的心，直至長眠。亦或許，對愛對情郎如斯深情不移的「傻女」，民國珍貴遺風仍幸存的寶島最多。

節目結尾，主持亦作幾句勉勵之言，一路卻哭了。我看得出，老江湖的她，那咽哽，是發乎心底為她好友~ 張美瑤的不值，以及對她呵護之心。

現在，張美瑤長眠了，她的「情人的眼淚」，該也已落盡。剩下的，將永在有情人心坎腦海迴響的，是她的無盡嘆喟輕訴。


「好春常在，春花正開。。。。你怎麼捨得說再會？！我在深閨，望穿秋水，你不要忘了我情深。。。。深如海。。。。」

8月預言

八月喇！

香港，熱到癲！亂晒籠！妖孽豺狼當道！國內污煙瘴氣！冇眼睇！

反而，本來話會亂過亂世佳人嘅今年 (2012)，到現時為止，世界就都算正常喎！

。。。。

話時話，本來我幾信2012真係會有料到！譬如外星人會隆重咁公開同我哋見面！但係，睇睇吓，而家都八月咯，2012都過咗差唔多三份二喇！啲「the」預兆都冇，睇怕嗰啲咩2012會點會點又咁又咁嘅「預言」又一次冇料到咯~

仲諗住會爆鑊勁，有嘢睇咖嘛！