豬油撈飯

照片入面嘅係某大集團酒樓嘅豬油撈飯。(幅相真係好唔掂。。。。Sorly。。。。)

呢間大集團式酒樓，曾幾何時，佢哋嘅嘢食，一流水準。但唔知點解，由應該大約七、八年前開始，水準每況愈下，近年直情更加有點唔似樣！反而，稻香呀、明星呀、彩龍呀同彩臨門呢啲冇咁大規模嘅呢，就非常有水準！

講番呢篇主角~ 豬油撈飯，hummm。。。。幾唔掂！點唔掂？飯唔夠熱豬油唔夠香囉！正嘅豬油撈飯，係喺熱呼呼嘅上面降落香濃嘅豬油渣，又或者一湯匙豬油，再淋上好幾滴頭抽咖嘛！但呢碗，完全欠奉。

不過，我個晚仍然食得頗滋味，因為已經係兩年前嘅當晚，難得我、妖道同酒肉和尚齊人，一同成長嘅地方食晚飯。

有時，好友撈飯足以彌補一切。