聽日凌晨嘅歐國盃~ 意大利 vs 英格蘭，我估意大利會 o趙低英格蘭。講真，英格蘭呢隊波不嬲都唔係頂級嗰班，屬一流尾二流頭，畀盡都只係一線中，今屆如果唔係有運仔，都出唔到線入8強。最好笑唔知醜係嗰個朗尼，話而家邊個對住英格蘭都會驚 (類似意思)，X，不知所謂！入到8強 (仲要係符碌咁入) 就夜郎自大語無倫次！不過，呢場波，我想佢哋贏喎！因為，贏咗嗰隊會對住德國。
意大利可以話係德國嘅剋星。喺國際大賽，德國從未贏過意大利。
而對住英格蘭，易食好多！
兩隊我都好憎！
未試過支持英格蘭，但今次例外。同我「冧」低意大利。
9 comments:
意大利鐘意做馬
天助意大利
唉.....
講真.....我一向都prefer意大利 。一向唔係好鐘意英格蘭
我有預感我隊德國.... 有暗湧....
希望 feel 錯.
我都係咁話，之前太順利啦，有d驚
s-pig, 我哋28號嗰日凌晨一齊用念力幫德國贏波咯!
我d念力依家已經不斷輸出緊！！
:)
Post a Comment