Saturday, January 28, 2012

新春點滴


農曆新年,今年公司放到初七,初八上班 (大家不要羨慕,因為係要扣假!),計埋年廿六至年廿九嘅放住假番工狀態同Holiday Mood,前前後後成十零日嘅舒服高原期,爽爽!

今年,農曆年假期已放到水尾,回顧今個年假,hummmm,都係嗰句~ Nothing Special,only soso。做過嘅嘢,大致如下。

- 年廿九中午去了維園行花市 (呢個習慣由2007年開始。。。。),在人網攤位買了一本書,並在熟食攤舖狂食。一共花費了三百多元左右。

- 瘋狂瞓覺,儲足精神。嗰隻間中瞓吓間唔中又瞌一陣再間唔中再瞓一嘢嘅過癮舒暢再加飲 High 之後一嘢瞓到黃朝白晏,真係頹廢之中嘅積極向上!

- 勁煲碟。好似逐個捉呀、射雕英雄傳呀、大時代呀、狂野時速V呀等等,煲 Q 到天昏地暗。

- 係咁食。點少得呢樣!呢十幾日,我由140幾磅去到150幾磅喇!但大家唔駛為我擔心,我呢啲,好快又回落咖喇。Don't worry。

講開呢樣,嗯,好奇怪,肥只表現喺我肚腩,極其量我塊面亦只係脹咗啲啲唧!我啲手手腳腳又完全冇變噃!Heeee heeee!真係冇計嘅~

- 喺屋企沖完涼洗完頭,用件超大浴袍抹身,and then,拎啲錶呀,眼鏡呀出嚟抹吓,聽吓佢哋嘅動感之聲同睇吓佢哋幫我看呢個世界嘅準確美妙。。。。一樂也~

- 寫呢篇 Blog。

11 comments:

樂遊 said...

SAME AS ME.....我初九才開工,但都是被迫扣假。官方原定是二月二日開的(應是風水高人擇日的),但我們「申請」早兩天番工(扣少D呀)。

你140幾磅?有無這麼輕呀,難道得5尺高?

舞了 said...

我看癲癲起碼有5呎5吋高的
140磅是應該要注意的了

the inner space said...

人日生日快樂

巔兄又閉關幾天乎?

Anonymous said...

dd,祝萬事如意!恭喜發財!

Joyce

s-pig said...

Agree!!
瘋狂瞓覺加勁煲碟簡直就係放長假既真正意義!
另祝新春大吉, 龍年事事順心!!

Ebenezer said...

食瞓,係最大嘅享受,正!

imak said...

150+.......... 從技術分析, 指數在復活節前未有回落跡象, 大家可以繼續持有!

樂遊 said...

承上分析:
150+......從脂金流向來看,自n年前起,一直都是淨流入,中短期而言,看不到有任何改變這趨勢的主要因素出現。因此相信150+的大牛市可以持續。就時間和升幅而言,現在應屬史無前例的牛八,但是由於150+自形成升勢後,就無任何主要的回落調整,因此在技術上,仍處於牛一,是史上最長期的牛一。......不過,有分析言認為,經過長假期期間瘋狂的炒作,rsi已被脂金推至超買區,因此短線會有小許調整,但大脹極小回的格局維持不變。

梁巔巔 said...

樂遊兄: 您都好呀, 有得申請早兩天番扣少 oD! 我焗放呀! 最頂唔住係個老闆仲難勁咁!

imak & 樂遊兄: 頂, 我5呎7咖!

另, 好彩我來來去去都140-160磅幾唧!

JY: 最好係130幾...... 不過.... 難!

Space 兄: 話唔埋. 近來又忙心態又不太有 mood.....

Joyce: 有心. 多謝.

s-pig & Ebenezer 兄: Heeee, 您哋都係識嘆嘅人!

一舊雲 said...

我中意樂遊篇留言,一路體一路笑^^

梁巔巔 said...

:(