超水準牛腩煲

我成日話自己係天才小廚師，的確，我煮嘢好味又有天份。啲菜式我通常睇一兩次就識煮。

但比起我阿媽，就真係仲差一大截！

好似照片中嘅炆牛腩咁，好味到呢，九記都要行埋一邊！我開頭以為係喺出面唔知邊間咁有水準嘅食肆買番嚟，原來係媽咪嘅傑作！

呢煲炆牛腩，色香味質都超水準，好勁！

啲牛腩濃汁我仲留番用嚟撈飯撈麵，認真一流！

成煲嘢都唔嘥得！！！