熱烈慶祝！

強爺訪港後遺症副作用單嘢，港官港人秉承一貫作風~ 港官例牌否認厚顏死撐；港人 (絕大部份) 一窩蜂插打鬧，爆炸力依然驚人。

前日看到肥禿在立法局被插會上廢話 + 大話連篇的表現，其乞人憎分數即刻再加 n 次方。今次，肥禿一定要繼續死撐，繼續講大話，繼續硬，無彎轉得。佢自己攞嚟 (自己攪到自己唔可以軟得)。誰叫佢一上台一開波就「嬾」強勢「嬾」強硬又寸嘴，踩到咁「行」寸得咁盡硬過青瓜，如果今次呢壇嘢到最後佢要道歉，相信，就應該係因為被港人 (包括市民、政客及傳媒) 鍥而不捨的追打狙擊。

不過，呢一日99%不會發生。因為，中央和曾狗的政府，全力挺住。所以，縱使不久之後有一連串証據証實肥禿講大話，誠信有問題，他的香港公安處處長烏紗仍是會戴得安安保保。甚至，哈哈，連道歉都不用。不然的話，香港公安處處長幫阿爺為阿爺做事是會有如此收場如此瘀皮，那麼，香港公安還怎有士氣了？香港以後的安保又怎辦了？(又加香港公安人工囉！有錢駛得鬼推磨嘛。啲 PC 仔，中五畢業起薪點由現在差不多萬八加到二萬五，其他各級加二萬。)

最重要的原因，肥禿可以繼續坐得好穩是因為港人之持久力耐戰力一向豆腐，好快，又會被第二樣事情「吸引」開去的喇。

另外，今次事件，我可以說，由1997年7月1號到2011年8月29號，一國兩制正式名存實亡。香港真真正正回歸祖國大陸。

五十年不變？！只需14年零一個多月，香港淪陷淪亡。