食！高！

坊間玩食字一早已玩到走火入魔，係又食唔係又食，好多時「食」出嚟唔單只冇水準冇意思，仲好突兀！

心目中有水準嘅食字一定係多年前某銀行嘅「有升有息」。呢 oD先係班！

又有間公司店舖叫「價真『棧』」，好！唔係走火入魔而係玩得出神入化！

喺台灣嘅時候，有一女朋友係舞蹈社社長，撞啱嗰時中共成日話「台獨冇好結果」，佢就攪咗一個 Function 叫「舞力犯台」，掂！

最近喺上環某食肆睇到一傑作，係真係傑作，佢其中一樣菜式寫到~ 秀肉粥！簡單直接少筆劃食字又靚色香味俱全！創作嘅嗰位兄台，高手。