Thursday, September 02, 2010

食!高!


坊間玩食字一早已玩到走火入魔,係又食唔係又食,好多時「食」出嚟唔單只冇水準冇意思,仲好突兀!

心目中有水準嘅食字一定係多年前某銀行嘅「有升有息」。呢 oD先係班!

又有間公司店舖叫「價真『棧』」,好!唔係走火入魔而係玩得出神入化!

喺台灣嘅時候,有一女朋友係舞蹈社社長,撞啱嗰時中共成日話「台獨冇好結果」,佢就攪咗一個 Function 叫「舞力犯台」,掂!

最近喺上環某食肆睇到一傑作,係真係傑作,佢其中一樣菜式寫到~ 秀肉粥!簡單直接少筆劃食字又靚色香味俱全!創作嘅嗰位兄台,高手。

3 comments:

新鮮人 said...

咁賣"秀肉粥"嗰啲係唔係秀色可餐先,
如果係啲肥婆奶奶就名不乎實喎!

Ebenezer said...

間粥店會唔會只係冇心寫錯白字呢?

梁巔巔 said...

新鮮兄: 唏, 要人, 物俱佳, 難呀!

Ebenezer 兄: 如果係咁, 更靚! 無心插柳得精彩!