好睇！

呢本嘢，係我第二本用印花買番嚟嘅世界盃特刊。呢本，好睇過之前星島出嗰本。

星島嗰本，好似之前講，除咗係封面同開頭彈啲硬咭公仔出嚟嗰兩版叫正之外，圖片同內文，唔係好掂，過於行貨同簡單。

蘋果出嗰本呢，精簡~ 圖片同內文都精彩簡潔！而且有心、貼心、到肉。排版一流唔在講；圖片唔係求其就咁搵 oD以前嘅；內文行文一貫壹文化，有料到好吸引；圍繞住世界盃衣、食、住、行各方面都照射到兼嗒得津津有味！仲又有賭 (賭波貼士) 又有「黃」(波女郎模度)！做到呢本嘢真係唔止係世界盃特刊咁簡單！(事實上，佢哋每屆出 o親嘅特刊，其他特刊都係！都冇走樣跌 Watt！)

所以話，壹傳媒，肯用$盡攬天下精英，剩係睇佢得咖喇！台灣更加唔駛講，直頭畀佢橫掃。