Monday, June 07, 2010

好睇!


呢本嘢,係我第二本用印花買番嚟嘅世界盃特刊。呢本,好睇過之前星島出嗰本。

星島嗰本,好似之前講,除咗係封面同開頭彈啲硬咭公仔出嚟嗰兩版叫正之外,圖片同內文,唔係好掂,過於行貨同簡單。

蘋果出嗰本呢,精簡~ 圖片同內文都精彩簡潔!而且有心、貼心、到肉。排版一流唔在講;圖片唔係求其就咁搵 oD以前嘅;內文行文一貫壹文化,有料到好吸引;圍繞住世界盃衣、食、住、行各方面都照射到兼嗒得津津有味!仲又有賭 (賭波貼士) 又有「黃」(波女郎模度)!做到呢本嘢真係唔止係世界盃特刊咁簡單!(事實上,佢哋每屆出 o親嘅特刊,其他特刊都係!都冇走樣跌 Watt!)

所以話,壹傳媒,肯用$盡攬天下精英,剩係睇佢得咖喇!台灣更加唔駛講,直頭畀佢橫掃。

2 comments:

樂遊 said...

我不是甚麼球迷,所以少有留意
但係我弟弟(三十歲人)買了本「比你貼」世界盃集圖冊,再幾舊水買一盒貼紙.....
根住同「同學仔」交換有剩的貼紙
真係有童心

梁巔巔 said...

你細佬正呀! :)