壁壘分明 Interesting~

第一次買波衫，第一次著波衫，原來，係咁正！

咩咁正？除咗波衫正，哈，星期日嗰日著咗件德國主場波衫出去，估唔到，有意想不到嘅人生經歷。

原來，嗰日嗰場嘅德英大戰真係好惹人注意！街上面有唔少人分別著住兩國嘅波衫。但著住英格蘭嘅明顯佔多好多！我嗰日先親身體驗到英格蘭喺香港真係好多擁躉。

最正係當有同著住德國波衫嘅自己人碰見，大家相視一笑嗰種「終於遇到您」Feel！更加正係有幾個著住件英格蘭紅色客場波衫嘅擁英友對我眼超超！哈哈！吓，英格蘭躉真係呢~

好玩好正呀！

聽日，7月1號，我估一樣係壁壘分明嘅一日。

「大廚滋味」。「波仔」最 Yeah！

到現時為止，「波仔」嘅麵飯係市面上同類食品最好味。佢啲味道、用料都一流。叮完出嚟仲餸汁溢流，彈性十足。啲粉麵飯亦有彈韌度，勁好嘢！「波仔」分分鐘比某啲食肆煮出嚟嘅嘢更好味！

今次介紹嘅「大廚滋味」，冇「波仔」咁好，啲料少同味道冇咁鮮同真。但係，都叫幾好味。

好似照片入面我食嘅粟米肉粒飯，係肉粒好少好細，但肉粒竟然有啲咬頭！當然，味道亦頗得。十零蚊，比「波仔」平少少。可以一試。

加少少美極會更好味啲。

世界盃意外延續篇

此篇又名女國足淚。

。。。。

續上期今屆世界盃之各隊熱門我點睇。

法國~ 1986年世界盃係我第二次欣賞的一屆，那時由柏天尼帶領的法國隊，粒粒係 Star，黃金中場，幾近無敵，鋒芒畢露，踢法灑脫，受歡迎程簡直媲美巴西。

當年法國八強決戰巴西兩個只能活一個一役，更係經典中的經典！自那屆，法國雖不是我所擁戴隊伍，但好感不少。

及後，法國一度沉寂，到到施丹降臨，雄霸一時，也深覺終該有此一朝。

但再到02年掌控的領隊杜明尼治，此君的無能卻自以為是，所帶領的法國隊一直不單只豪無表現，還將帥不和，今屆，更90%分組賽出局！對法國隊，真深感惋惜。

另想一講，一直覺得篤信星座的杜明尼治還精於降頭巫術，不然的話，怎麼可能能夠氹到法國，做到法國國家足球隊話事人達六年之久！

將帥不和，浪費人材，下屆來過。

阿根廷~ 國家足球隊，只喜歡兩隊，除了德國，第二鍾意就係阿根廷。

鍾意阿根廷，完全因為馬勒當拿。記得1982年西班牙世界盃，已經留意到特別嘅佢，一頭爆炸髮型，更寸爆那個樣，更更火爆的脾氣，天生惹火尤物人士。

到到1986年墨西哥世界盃，肥馬完全成熟，技驚四座，光芒大放。記得尤其是對英國嘅一場，兩國剛剛打完福克蘭群島之役，戰敗的阿根廷誓要於足球場上，將足球發源地英國打敗。肥馬在播國歌之時怒睥又帶幾分輕蔑英國的球員，再到佢第二球過關斬將，由中後場扭到前場再入波，淘汰英國，真的好觸動人心！

肥馬在我心目中，技術始終第一。剛柔並濟，罰球又勁，雖然肥但又走得快！變速又厲害！最「哽」是「撬」極他他都不會跌倒。就算跌倒呢，「碌」幾「碌」跌跌撞撞又站起身繼續帶波交波射波！其他巨星如比利、柏天尼、李華度同施丹等等試問又有誰可以？！

最重要，最深得我心，是阿根廷的性格，正是有腰骨！不用多講，看看性格巨星肥馬與老油條如生意佬的比利便明白我在說甚麼。

星光熠熠兼有腰骨。個個單天至尊保至尊！

。。。。

還有其他隊伍，不一一說了。總括，至現時為止，分組賽踢到第二輪，認為各國之間的足球水平更見拉近，接近伯仲。勝負往往更只講求狀態及把握一刻封喉致命的能力。

。。。。

世界盃意外延續篇之再意外短篇~

看到今屆兩韓和日本的表現。。。。強隊之為強，自然有其道理原因。我為我國國足為恥。

為「他」為恥之外，更，為「她」，我國女國足而悲！

曾幾何時，不遠之前，我國女足傲視世盃，與美國和德國鼎足而立。偏偏，一直得不到「有關方面」的珍惜重視。而不爭氣，自甘墮落的男足卻得到偏心溺愛。

不久前，連女足也崩潰了！「她」崩潰，是由於得不到補給、得不到補給資助、得不到重視。以至，主力一一掛靴另覓謀生之地，新血新力軍，自然欠奉，貧血積弱致死。

可笑。

。。。。

淚，為值得的人流。為女國足流。

好波嚟喇！

聽日，世界盃16強大戰，德國 vs 英格蘭經典一戰提早上演，我會著住件德國主場波衫出去。

碧根鮑華點解變咗八婆？！係唔係六十幾老咗嘅原故？！未開波就呀支呀 jor！喂，唔係德國一向本色嘛！呢啲行為德行，係英格蘭先會咖嘛！您哋睇，英格蘭啲球員幾多嘢講！

講開好笑，每逢德英大戰，都會扯到番去二次大戰。尤其是英格蘭一方。哈，咁又係，二次大戰畀德國摧殘到十彩，論文化民族性喺歐洲又優勝過佢哋，又唔怪得佢哋對德國佬咁耿耿於懷嘅。

今晚22:00，場波技術相信一般，但係，肯定「波味」好睇呀！

睇段片聽首歌輕鬆吓先啦~

涼。滄。化。嘆。

食住減！

坊間減肥方法同食譜多不勝數，最近，即係前日，做身體檢查嘅時候，heee heeee，發現，無心地，即係冇諗住，冇有心地做到嘢，我竟然輕咗成7磅喎！！！！呵呵呵！成7磅呀 X！個幾兩個月咋！！！

回想番呢個幾兩個月，我做過 oD乜去減肥呢？！。。。。冇噃！我只係唔經唔覺咁，不知不覺咁，好舒服咁有以下食法。

一日齋啡三杯。
Lunch 半飽或者多少少飽。
晚餐，21:00前，可以係咁食。
宵夜，有！火腿三文治。間中一兩晚更可以食公仔麵！
零食照食。但22:00後唔食。
多食蔬菜。
飲多啲水。

正哩！

Work！

當然，每個人唔同，因人而異。肥咗您唔好鬧我！

咿咿呀呀~

政改~ 關於佢嘅所有，包括曾狗、高官們、所謂嘅民主派人們，哈，我真係有幸，可以親眼睇到指鹿為馬現代版！好正好珍貴！

80後~ 乜啲80後友仔惡得過啲賊嘅咩？！要咁如臨大敵？！龜呀龜，花啲精力捉賊啦！

不過，諗深層啲，咪又係上面，A，唔係曾狗喎 (分分鐘佢已經冇力)，北京中央嘅直接意思。

社民連~ 呢班友過份咗又好，抽水又好，喂，喺香港而家呢個咁嘅社會，就係要有呢種人呢種聲音呀！

等於，如果一個地方有好多反對黨，激進黨，咁，好似我哋而家嘅建制派呀，民主黨呀，都變得有「寶貴」嘅存在價值咖！

香港~ 既然喺政治同經濟上曾狗已做唔到 oD乜，喂，曾狗，不如為香港做番啲好事，將香港而家咁鳩嘅電檢尺度正常化番啦！呢啲你能力範圍內做到嘞啩？！

人鬼神~ 神唔駚講，有邊個會係。

有好多已經人唔似人鬼唔似鬼。有好多更係更糟羔更肉酸嘅妖。

靚

上次我咪一次過 show 晒我喺今屆買嘅德國波衫嘅~ 漏咗一件。

我仍然對我隊波好有信心，砌低加納晉身次圈淘汰賽冇問題，入到十六強預咗。八強先係考驗。

想講，ummmm，我寧願，德國踢得好似以前咁悶，都唔要而家咁華麗而不實。咁當然啦，又華麗又實際，兩者並存就更好！

世事何曾會咁美好？！

迷離半山地

神秘！神秘神奇地方！

中環，中半山，一直係我至愛之一。

至愛原因，唔係剩係因為貴，剩係因為豪宅，而係因為嗰度啲樓有性格。

如照片中呢幢住宅大廈咁，樓齡半百，外牆普通但形式典雅，內裡古派，哈，入面某一兩層更竟然別有洞天，感覺直如桃花園記！

可惜嗰日「襟」鐘冇人應。佢哋又冇寫任何「蛛絲馬跡」。。。。yo！yo！yo！好迷離！我真係好想知呢間嘢，佢哋，係做咩嘅。

地點，喺中半山12號。

世界盃一二之二

世界盃，今期說不完停不了。。。。嘻嘻！請諒。

一邊飲完酒 high high 地，一邊看 (聽) 球賽好過癮。但原來，一邊飲完酒 high high 地，一邊看 (聽) 球賽，一邊寫專欄，更過癮！寫這題目，更過癮好玩！

好！言歸正傳，今期講講各隊熱門之我點睇。

巴西~ 首先，我相信，這隊國家隊，擁躉不會少得過接住下來的一隊。我本也是巴西擁躉。巴西天生足球王國，1970、94年無堅不摧的鋒線組合更是後無來者。

今屆，觀其戰鬥值，的確又值得熱門。。。。

但是，1998年的疑似假波風雲，唉，沒腰骨！自那次，我再也不喜歡巴西，甚至討厭、看不起。所以，阿根廷成了我第二最愛。

大熱冠軍。防過熱，冇肉食。防冇腰骨。

英格蘭~ 每每聽到有人說甚麼由於「情意結」，所以鍾意英格蘭。哈哈，如果說「情意結」是從小便看英國波而有感情，所以捧英格蘭，沒問題。不過，不少人都說：「因為以前係宗主國！所以特別有感情！支持！支持英格蘭！英格蘭萬歲！」哈！哈！我又再一次~ 端！不知所謂。

英格蘭，講技術不及巴西、阿根廷同西班牙；講慢熱又不是，不像意大利；講體能不如非洲國家；講戰術講整體講十二碼不及德國；講好運？哈哈~

真不明白連歐洲國家盃也不嬴過，近五十年國際賽乏善可陳的英格蘭，為甚麼總會被人捧為大熱門？！尤其是在香港。

紈褲子弟。名大於實。

西班牙~ 這樣的，西班牙這隊波當然厲害。但是，拉丁人的不穩定及或然率使然 (嬴完歐國盃再嬴世界盃，之前只有前西德一隊。)，西班牙，今屆好一點，我認為到到淘汰賽，「她」會自己解決自己的了。

最大敵人是自己？！抑或天意注定弄人？！今屆終命定！

意大利~ 說真的，最驚意大利！第一，「她」最陰陽怪氣。第二，同德國拍得住最難捉摸。第三，是德國剋星！

之不過，嘻嘻，看看過往意大利的世界盃歷史，奪冠後都會沉一輪幾屆的 (1934、38不算喇！那時只有那幾隊，又貪污！)。又加上或然率，那麼久，連嬴兩屆只有巴西一隊做得到。所以，意大利今屆頂多威風陪跑。

殘星殘照。陪跑居多。

葡萄牙~ C 朗人運正隆，此子樣格囂得起，極有機會能如前保加利亞之史岱哲哥夫一人帶起成隊波，殺入佳績。是龍是人是蟲，分分鐘一兩場之隔。

一人夠扭千夫腳。是龍是蟲一步差。

還有其他隊伍其他世界盃伸延感想，下期意外延續篇再續。

Hummmmm~

台語歌，同台灣一樣，我喺嗰度嘅時候，唔識珍惜欣賞，而家，先愛之若遲。。。。



呢首愛拼才會贏，相信係喺香港最出名嘅台語歌，聽聽啦。

即食意大利粉

咖仔嘅日清又一巨獻！

講 o緊係呢隻意大利粉系列。

日清即食麵一向好口碑唔駛多講，而家佢呢玩 o埋意大利粉，一樣冇甩拖！咖仔真係~

我今次食嘅係三文魚口味。頂~~~~~ 竟然做到真係有真三文魚嘅味道！啲料仲竟然有脫水三文魚乾 tim！最抵死係濕水之後啲三文魚乾仲赫然仍有新鮮嘅魚味！同 o埋，啲醬汁做到同出面新鮮叫嘅差唔多！

好嘢呀！真係冇嘢好講！

試吓啦！

BALL！

上星期日我喺我地盤曾批道：「西班牙這隊波當然厲害。但是，拉丁人的不穩定及或然率使然 (嬴完歐國盃再嬴世界盃，咁多年嚟只有我愛隊做到。)，西班牙，今屆好一點，我認為到到淘汰賽，『她』會自己解決自己的了。」(今日見街，請捧場！但若然您係英格蘭球迷，勿買嚟睇！嘻嘻！)

哈，估唔到，前日，西班牙就輸咗畀瑞士喎！

地上最強竟然輸畀歐洲二三線國家隊？！除咗軒斯菲特厲害，最主要係，西班牙衰玩嘢衰太自信！

好似，唔駛講咁多，剩係講韋拿嗰下明明入硬嗰球，佢唔老老實實咁射唔「燙」，偏偏「嬾」醒，玩高章，但又唔入喎，唉，如果唔係，一早領先啦！

所以，西班牙，分分錢鐘，加埋衰運啲，同組嬴洪都拉斯，打和智利，4分，一樣出唔到線。

入到波先係 BALL 呀！

凍？！

夏天終於嚟料，展示威力！而家先係6月咋！

熱，唔可怕。熱得嚟乾爽並唔係咁辛苦。熱得嚟濕，好似呢幾日咁，先至甘頂！

呢幾日，特別係星期日，真係熱到好似張浸咗溫水嘅厚毯「襟」埋嚟一樣！極度惡頂！郁一郁都出汗濕晒呀真係！

唔想對唔住地球，但可以點？！唔通唔開冷氣？！點開工？！點瞓覺？！

最攞命係而家啲巴士，有啲可以咁熱都只係開啲啲冷氣！焗撚到吖！又冇得開窗喎！走去同個司機講叫佢開大啲，佢又話有啲客叫凍！

凍？！

咁驚凍，帶多件衫出街啦~

寫

(一)

前晚，星期日，食咗老闆喺坂長請嘅一餐。

叫咗好多好多，加上未病好，狀態麻麻，食唔晒。

坂長啲嘢係幾好味，亦見新鮮，服務態度又唔差。不過，我仍然畀佢唔及格！因為，衰小人計謀！係乜？將個場整到好熱好焗，等人快啲食完快啲走，做多幾轉！

如果話，整到啲座位坐得唔舒服，咁我都唔會反感。但整到空氣焗熱，真係影響食慾，胃口大減。

(二)

哈哈！德國4:0大勝澳洲，雖然已經唔係以前陰沉嘅德國，但嗰種年輕活力，進取創造，敢攻敢放，係以前嘅德國冇嘅。(不過另一方面又驚而家嘅德國華而不實，無咗以前嘅穩鎮感覺。。。。更怕唔好話唔再係逆境波皇，就連逆境波都唔識踢咯。)

不過，1990年德國由一開始到到尾嘅霸氣凌人，同今場有啲似！但現今嘅德國隊，比當年嘅班底仲年青得多 tim！

其他已出現嘅強隊，都踢得謹謹慎慎，拘拘束束，更顯德國嘅瀟灑，無畏無懼嘅侵略性。暫時有得比嘅，係癲，完全冇路捉嘅阿根廷。

(三)

一直知「波仔」出嘅飯盒食品系列好嘢！浪子m介紹嘅「漢堡薯蓉薯米」，而家先知有同好味成咁！敢講係「波仔」頭五名好食，仲係三甲之一！

(四)

唉。

世界盃一二之一

真想不到，今天，我也能有朝寫世界盃！

我係德國 Fans！

真巧，最近幾個節日、事件都碰巧在本刊的見街之日。

今晚，今屆南非世界盃開鑼喇！

區區於上世紀一九八二的西班牙世界盃，於「無記」第一次開始欣賞。記得那時在唸小三，足球是校技，世界盃成了熱門話題。那屆意大利挫敗猛人如雲的大熱巴西，決賽又對著那屆的「公敵」~兇狠硬朗，沉悶森寒，在準決賽如坦克車般橫衝直撞，還「重傷」對手法國球員巴迪斯頓的西德，週圍的同學仔自然都擁戴意大利。唯獨定是我，支持西德。那時，我只愛「他」名字好聽 (小時候嘛) 及愛他打不死 (特別是剛提到對大熱門之一的法國那場準決賽，兩次落後仍不言棄沉著應戰，打到最後追成平手，到互射十二碼，unbelievable！反敗為勝，韌力實力之驚人，無出其右，只此一隊！)。雖然，結果，意大利如「眾人所願」，贏得該屆冠軍。

其後，再長大點，熟悉「他」的歷史和隊性~ 愛「他」怎樣反敗為勝愛「他」沉實且紀律嚇人 (可能我不是所以佩服)；愛「他」深藏不露，扮到低調 (又真係每屆都讓「他」成功扮到喎！另外，這又像我！哈！)，殺入決賽，令人大跌眼鏡 。只要看看「他」的輝煌戰績便無話可說！11次進身四強、7次殺入決賽、3次奪盃，比巴西及意大利猶有過之；愛他射十二碼之精準不甩拖 (及後更知道由一九八六至今，德國射十二碼未失過輸過！)。

又如一九八六年墨西哥那屆決賽，西德對阿根廷，「他」落後兩球，和我一起看的朋友都準備提前睡覺，但我依然信心十足，不久，西德真的又難以相信地連追兩球！雖然，最後仍屈居第二，但也令人充滿驚喜！回味無窮！

到現在，差不多三十年了，我依然是德國擁躉。無論是「他」黃金巔峰時期 (1990世界盃冠軍及1996歐洲國家盃冠軍) 抑或一沉不起日子都一樣對這隊國家足球隊不離不棄。

「他」嬴，風光的時候，我好開心，好像自己有份踢、隊波屬於自己一樣。「他」輸，在「他」最沉最乞米之時，好傷心，但我仍默默支持。

很好多人不喜歡德國隊，說「他」悶 (現代足球講求實際的嘛！)；說「他」茅 (有哪隊波不茅？！而且，比起南美或者其他國家，德國隊已算乾淨。)；說「他」老奸巨，除了深藏不露還要走線，避開強隊讓其先鬥到殘。像一九五四及七四奪冠兩屆 (新界的牛夠勤力啦！這叫計算精密！)；說「他」死好運 (甚麼都要講一下運的呢！但都要有實力才行。前桌球冠軍戴維斯講過，「符碌」都要講實力，有實力先「符碌」到！)，等等以上都是不喜歡德國隊的理由。不過，自上屆踢出主攻又好看的足球後，德國隊嬴得不少人的歡心。

其實，鍾意不鍾意，無需講理由。一句到尾，鐘意就是鍾意。

希望德國從今屆開始能夠踢回以往死纏爛打、驚人韌力以及永不言敗的精神，從拾昔日信心，就算無球星無冠軍相都能夠打出好成績，「鍊」低人！

下期再斬四兩，說說今屆幾隊我點睇。

To Be Number One~ 最正世界盃主題曲

今屆世界盃主題曲唔知唱乜！

都係1990嗰屆最好聽！(另，留意片一開首，首主題曲一響起嗰陣，嗰幾位靚女即刻翹首以望嗰一剎！！！！噢，真係靚！正！殺！)



1998嗰屆 Rick Martin 嗰首 The Cup Of Life 都 okay。但都已差一大截~

世界盃

睇波呢家嘢，特別係世界盃，氣氛真係好緊要！

以前兩間免費台播，熱鬧好多！而家？嗱，之前冇幾耐，做 o緊開幕禮。唔覺哩。而家，踢完揭幕戰冇幾耐。又唔覺哩。

有有線嘅人始終少，唉，要好似以前嗰種全港世界盃狂熱開 Ball Feel，睇怕冇乜可能咯！就算第日第屆兩間免費台攞番番嚟播，仆街咪又係擺喺高清台度播~

講番半夜睇世界盃，heeee heeee，又可以重溫食住杯麵，飲住杯茶，「褸」住張毯，嘆住冷氣，望吓出面仲有唔少戶同自己一樣未瞓嘅半夜閒情唔瞓睇波時嘅日子。

正！

病中簡記

前晚仲正常，好精神。尋日突然感冒病咗！勁傷風多鼻涕係咁咳！妖！星期六點「察」餐勁？！

啲感冒藥好勁，尤其是隻咳藥水，飲咗好快勁攰！

今晚十點世屆盃開波，第一場同有德國嘅必睇。其他就揀嚟睇 (分組賽睇晒頂唔順。始終第二朝要番工。)。當然，去到16強開始嘅淘汰賽就一定場場睇。

今屆各隊嘅波衫，德國件客場仲正過主場嗰件。南韓件虎紋戰衣好特別好霸氣。墨西哥都唔錯。其他嘅，就冇乜特別。反而入唔到決賽週嘅俄羅斯，佢哋嗰件最靚，又特別！主客都係。

今屆如果喺出面睇有德國隊嘅比賽，我實著 o埋件德國波衫去睇。

生蠔！我要！

而家先六月頭，公司生意好到爆燈！敢講係最好嘅一個月！所以，老闆今個星期六晚請食飯。

打電話訂檯，問咗好多間，點解間間酒店都冇生蠔嘅？！連洲際同香格里拉呢啲都冇喎！

啊！原來，腸毒病最近惡呀！我估。

Yil！訂蠔 Bar！

Deutschland！Deutschland！德國波衫！

從未買過波衫。

今屆，唔知點解，控制唔到買完一件又一件，一套又一套。全部都係德國國家足球隊嘅。兩件德國今屆主客場球衣、一件反領 Polo 衫、一件 Tee (唔記得攞 o埋出嚟影 tim！)、一套練習外套同褲、一件風褸。最正係有得買番上世紀1990年德國 (西德) 攞冠軍嗰款設計經典嘅外套同 Tee！

講番今屆德國隊，哈，越嚟越覺得今屆德國好有機！數據 + 黑仔 + 冇乜球星咁滯 + 勁冇人睇好冇人提。。。。heeee heeeee，well，佢熱門 + 有人睇好我先驚！

咦，加 o埋我今屆無端端買咁多件德國隊波衫，捧盃先兆呀！！！

Deutschland, Deutschland über alles, über alles in der Welt！！！

Deutsche Fußballmannschaftiva Viva！！！

德國國歌 http://www.youtube.com/watch?v=x9kxZtLY5p4

「凸」色建築物！

香港嘅風水，已經係另一個格局。呢個格局，由維多利亞港兩旁分別兩座巨型高樓扯起成個磁場而成。

呢兩座嘢，邪！一座似陽具，有龜頭，連毛都有 o埋！

另一座，urrrr。。。。好正路正派。只不過毫無特色 (但都好過嗰個特色龜頭。)。但尋日搭船番香港入到維港嗰一刻，哈，噢，原來唔係咁簡單！原來，勁呀！

先睇照片。

原來，整個豪西九，以嗰座 ICC 為首，其他豪宅為「托」，您睇，ICC 係中指，成個粗口手勢「凸」一樣咁傲 X 於維港！！！！！

型！

夠薑呀夠寸呀真係！

至於 X 乜，哈，座嘢係大地產商起嘅~

單幢睇冇嘢，要綜合成群嚟先知暗喻，先睇到有玄機，香港嘅建築物，原來已進入另一境界！

好睇！

呢本嘢，係我第二本用印花買番嚟嘅世界盃特刊。呢本，好睇過之前星島出嗰本。

星島嗰本，好似之前講，除咗係封面同開頭彈啲硬咭公仔出嚟嗰兩版叫正之外，圖片同內文，唔係好掂，過於行貨同簡單。

蘋果出嗰本呢，精簡~ 圖片同內文都精彩簡潔！而且有心、貼心、到肉。排版一流唔在講；圖片唔係求其就咁搵 oD以前嘅；內文行文一貫壹文化，有料到好吸引；圍繞住世界盃衣、食、住、行各方面都照射到兼嗒得津津有味！仲又有賭 (賭波貼士) 又有「黃」(波女郎模度)！做到呢本嘢真係唔止係世界盃特刊咁簡單！(事實上，佢哋每屆出 o親嘅特刊，其他特刊都係！都冇走樣跌 Watt！)

所以話，壹傳媒，肯用$盡攬天下精英，剩係睇佢得咖喇！台灣更加唔駛講，直頭畀佢橫掃。

纏綿不盡。旖旎回憶

呢首歌，您未必識。但一定「好似聽過」。亦一定會鍾意！其中兩句係G2000當年 (1989、90左右) 嘅廣告歌詞。

另外，入面嘅和音亦好正！留意！

歌、回憶，成個人好似返番嗰年嗰時咁。。。。hummmmmm。。。。。



睇番關淑怡，唉，佢真係 o徒晒！

四月廿二日

憂鬱奔向冷的天，撞落每點小雨點。張開口似求生圈，實驗雨的酸與甜。。。。酒醉與心碎心碎溝起污煙 (瘴氣) 一片。。。。WHOO-Oh-O~~~~ 無心睡眠~~~ WHOO-Oh-O~~~~ 腦交戰~~~~

昨天，是四月二十二日。

(一)

不少人都會批評其他批評祖國京奧揮霍造假、天災變人禍 (如四川和青海大地震) 及世博秩序混亂等等的人，認為他們高高興興慶祝，正面點看總不成，務必掃慶逢中逢共必反，乃另類「憤老、中、青！」，反共反上腦。將這邏輯引伸，連帶六四也可駁成若再記著，沒益處，做人要往前看；甚至，伸展到若沒六四鎮壓，又何來當今中國盛世再現？！

我深信，沒有中國人不會不愛自己的祖國！如果，就拿以上的事件說，如果以上的事件本身是沒問題，自己人不會雞蛋裡挑骨頭無中生有。那是，愛之深才責之切！我曾多次說過，真正盛世，不是如此的。現在的，只是富有。還是在各方面都畸形發展，貧富懸殊的富有。不用再多舉其他事實例子，只要看最新鮮滾熱辣的富士康跳樓自殺事件，便可明白，盛世之內，會有此等事情發生？！

(二)

祖國地大，受著龐大而沉重的歷史包袱影響，人種又多，民族性又「難以理解」，要徹底改革，如一夜間神州大民主，是天方夜譚。假若即使會，也不願，因為那時，相信會陷入分裂，若是如此，有說，真的寧可如其他人所說的，不要民主要統一的中國。

那麼，自由呢？

說實在，在祖國，只要不談政治，肯定自由過香港！在香港，不錯，是的，是有言論同網上自由，(但事實上亦已經日漸在嚴重收窄中！)，不過，其他的，就惡法日多。像行街看戲，出入店舖，不是怕吸煙說粗口罰款就是被「香港公安」查身份証 (說到這，真的要特別一提，國內的警察都不會隨街隨處查身份証啊！)；禁這禁那禁完這樣禁那樣禁禁禁；吃的又不是甚麼都有得吃；玩，又已經及不上國內的多樣化和相宜！

香港，某程度上，某層面上，真的不及國內那麼開心自在！最諷刺可笑的是，不及內地那麼自由！

所以，就算沒民主，只要有自由，又有甚麼所謂！九七前被英國殖民政府管治的香港，也不是沒民主但有自由的嗎？！

(三)

承接 (二)，國內與香港也不是都財閥專橫，富豪話事嗎？這樣子的，我曾寫過，至少國內的領導不會怕財閥們呀！

另外，又至少，今屆世界盃，CCTV 中央電視台又會直播全部64場賽事喇！有五十幾場亦同時會於網上直播！香港？沒錢沒得看！不，也可看三幾場，不過也是在不是人人有的高清台才有呢！哈，我端！

(四)

詩一首~

乾了淚痕忘血痕。笑聲盛世哭聲吞。千金萬銀今朝有。財大氣粗對君魂。

當年今日

此史未忘淚未乾。趙賊歪理人心寒。冤情慘超莫須有。真相他朝供君看。

小記

(一)

老細前兩日睇 o緊份報紙，睇到港聞版嗰陣問我：「點解香港人咁鍾意自殺呀？！」

「驚冇工開驚減人工驚炒魷驚冇$供樓驚臨尾過唔到世；冇$又欠呢樣欠嗰樣咯。。。。香港人好慘好悲咖老細~」我加多兩錢肉緊咁答。

「荷蘭就好啦！冇壓力冇狗眼看人低福利又好！」我唔抵得咁續講。

「但我哋要畀成入息一半嘅稅噃！」老細反擊。

嗱，學吓啲死撐香港當權嘅人先~ 「香港稅收咁低，連歐洲人鬼佬都怨自己地方呀！」「香港幾好！」

講呢啲嘢，死撐當權嘅呢「亭」友仔好多分分鐘都唔係有$唔多得掂！哈，真好笑~

(二)

德國佬係唔同啲嘅！係咁就咁。易傾易做。唔似其他鬼，尤其是英國狗咁撚鳩屎！

(三)

今日放工番到屋企搭 lift 嗰陣有兩公婆，個女人拆開個印有2010南非世界盃廣告嘅信件嘅時候，同個老公講：「南非奧運又嚟！唔知好唔好得過北京奧運呢？」

。。。。

總之就唉~

唉。

無言。無奈。無癮。無悔。無憾。無人可傾吐。無第二次。

眼淚在心裡流。鬱結在喉頭一大嚿。

唉。