Friday, May 07, 2010

立此存照


工作上,唔好話朋友,好嘅同事如果能夠遇到都阿彌陀佛!若然係好同事,兼夾好拍檔,又做到朋友再做 o埋好朋友,咁就真係非常難得,三生有幸!

哈哈,咁難能可貴嘅事,又偏偏畀我遇到喎!(講真,到現時為止,出嚟做嘢咁耐,亦有由同事做成朋友甚至好朋友。當然,亦有唔少小人!真係人生不枉過!)

之前嗰份工,我同照片中兩位拍檔,一位設計同工程大佬級 (右),一位年少天才橫溢設計師 (左),敢講喺全區「納」生意數一數二。我搶個波番嚟,天才扭波埋單,大佬級強勁支援,每個月幫公司搵至少五十零七、八十萬生意,佔全公司一半甚至三分二生意額唔會少得。

個撚頭小白臉老闆,自己攞嚟衰啦!如果唔係咁刻薄,咁孤寒,小人之心疑心生暗鬼攪 o埋晒啲屎忽撚小動作,整散隊 Band,而家就唔駛咁乸少生意啦!抵撚死~

呢張相,東區裝修設計界三英,立此存照,好珍貴!

Roy & Alex,好榮幸可以曾經同您哋共事,並肩作戰。

4 comments:

樂遊 said...

我國皇上亦是如此,曾經有過不少好馬,但都是因為一些小人閒言、吝嗇錢財、宮廷鬥爭、更甚者為了其少爺(實情已是老爺了,老人痴呆個老)脾氣,逐一離去,有的甚至拉隊離去,使致一些組別自此一蹶不振,益了對手。但他仍以為自己英明睿智,寬厚為懷,樂善好施,與人為善,堯舜再世,良心滿溢,關愛臣民。名滿香江,天下歸心,遇到功臣離去,亦只會想「最衰都係條友反骨」

梁巔巔 said...

係嘞! Main point 就係嗰啲懵丙茂梨仲以為自己好撚英名好醒!

舞了 said...

巔巔, 做乜咁躁呀, 俾邊個激親呢.

通知你一聲, 我已在我的博中加左你個博, 但好多功能仲未掌握到, 唔可以好似你地咁, 喺個版面顯示被我追縱既links.

梁巔巔 said...

冇呀, X 人嗰時係咁咖啦! ^~

Thank you. :)